[有沙入眼]是咁的，我嘅職業係幫想自殺嘅人寫遺書: 290.你係咪呷醋？

擾嚷左幾分鐘，我都分唔開佢兩個，miki成隻樹熊bb咁摟住人唔放，最後我放棄，搵個位坐低算數

終於，飲完奶茶嘅阿文走過黎話：「琪琪你真係次次都摟我男朋友，再係咁我呷醋架。」

miki嚇左一跳，即刻放手：「姐姐你喺度架？sorry sorry。我地無野架！」

「我知啦，傻妹。」阿文摸下miki個頭：「我地走先喇，趕住睇戲。」

「噢，好啦拜拜！」





阿文同佢男朋友都向我揮一揮手，我隨便揮一揮應完就算，miki亦喺我隔離坐低

「捨得死翻黎喇咩。」

miki扁嘴：「咁惡做咩喎⋯⋯哦！你係咪呷醋？」

「阿姐，街肉墨演嫲辣大辣，忍凍撚茶早邊。」

「好衰呀，又唔理人！」