[有沙入眼]是咁的，我嘅職業係幫想自殺嘅人寫遺書: 359.俯瞰風景

雨粉喺下落嘅過程互撞，劃出風箏斷線嘅軌跡，喺下方失去蹤影

下面有幾個唔同顏色，唔同花紋嘅八邊形移動緊，有啲向左，有啲向右

啲八邊形好細，得我拇指咁大，其實係擔遮行緊嘅人

連馬路上嘅車輛，都只係好似一粒粒識郁嘅擦膠

原來向下望，個世界係咁樣架？





人類認知水平視界嘅十公里，同認知俯瞰視界嘅十公里，係完全唔同

由高處向下望嘅景色太過壯觀，就算係平凡嘅事物都會令人感動

所以好多人中意喺飛機就到目的地之前望出窗外

映入眼中嘅係一大片廣闊無垠嘅土地，湧入心中嘅係莫名其妙嘅興奮

但係喺安全嘅飛機倉包圍之下，唔會感覺得倒「跌落去就會死」嘅恐懼





確確實實企喺大廈天台向下望，就會有嘅另一種感覺

係隔閡