[有沙入眼]是咁的，我嘅職業係幫想自殺嘅人寫遺書: 358.跳樓

時間係下午兩點搭二

地點係阿文住嗰棟大廈嘅天台

考慮到老豆就翻到屋企，跳樓就係最快捷同無得阻止嘅最佳選擇

打開通向天台嘅門，毛毛雨密密咁喺面前構成薄膜，成個世界好似鎖左入一個模糊嘅濾鏡之中

紅色暴雨警告取消左，但係仲落緊雨





我地三個都無擔遮上黎，一踏出門外，牛毛細針咁嘅雨水就刺喺面上

我地三個喺平台上向前行，腳步濺起水花

行到天台盡頭，喺半個人高嘅圍牆前停落黎

阿文轉身，向我同miki點點頭，之後就琴過圍牆，企喺牆外

嗰度仍然有少少地方比阿文企，大約係三份二隻成人腳掌嘅空間





我喺牆內，望向下方

一瞬間，俯瞰風景嘅震撼好似一股暴力咁湧入大腦