[有沙入眼]是咁的，我嘅職業係幫想自殺嘅人寫遺書: 395.美都餐室

去到油麻地，miki話要搵位泊車，所以就放低我先

下午4點9，我黎到美都餐室，樓下無人，個伙記指一指樓梯：「上面丫。」

每次都唔係繁忙時間黎，每次啲伙記都會叫我上樓上

以前會同金弦黎食野，之後再去前面個電影中心睇戲

自從金弦有事之後，我就無再黎過，佢無主動話過想黎美都

我亦無主動帶佢過黎

可能係因為我地好清楚，就算地方一樣，我地翻倒黎，都翻唔倒過去