[有沙入眼]是咁的，我嘅職業係幫想自殺嘅人寫遺書: 396.最後一次
以前，無憂無慮嘅閒日，一份西多士，兩杯紅豆冰，坐一個下午，望住對面公園嘅阿伯阿婆交會，離散
「嘿嘿，最後一舊係我嘅！」
每次金弦都會食最後一舊西多，佢話因為要切埋比我，所以最後一塊係報酬
唯獨只有一次，家姐讓左最後一塊比我
「你唔食嘅？」
「今日比你食。」唔知嗰時佢係咪感覺倒咩野，諗翻轉頭，原來嗰次就係我地最後一次黎美都食西多
一步一步行上樓梯，黎到二樓
我有一瞬間見倒，以前成日坐嘅卡位，有個少女望住窗外風景
佢察覺倒我上黎，向我側頭微笑
與此同時，冰凍嘅屍手爬上我搏頭，微笑嘅金弦就化為一團白霧，融入虛空