[有沙入眼]是咁的，我嘅職業係幫想自殺嘅人寫遺書: 414.點解釋？
見幻覺同幻聽遲遲無出現，我就放棄，去沖涼
而家諗翻轉頭，每次無客人嘅時候我就會同時出現兩個症狀
其一係見倒屋企人嘅屍首
其二係頭痛
浴室中霧氣瀰漫，花灑灑水聲喺地磚敲響，白牙色泡沫順住手臂比暖水沖落
我一直以為兩種症狀都係基於同一個源頭，就好似又發燒又咳會以為由感冒引起
但實際上咳係因為肺炎，就算醫好感冒退左燒都唔會止咳
密集嘅熱水拍打後腦，我耷低頭睇住喺鼻尖集結下流嘅水柱，順便用手掌鏗下太陽穴
因為生活遠離左痛苦而出現幻覺同頭痛，呢個係我本來嘅假設
不過呢個假設，點樣解釋我同miki表白之後，屍體就唔再出現嘅現象？