[有沙入眼]是咁的，我嘅職業係幫想自殺嘅人寫遺書: 415.屍體嘅意義
赤裸上身行出浴室，用毛巾搓揉耳邊嘅頭髮，思考似乎開始暢通
即係話由一開始，我就應該將幻覺同頭痛兩件事分開黎睇
屍體出現嘅條件係三個，開始覺得開心幸福嘅時候，無客嘅時候，同埋拜山嘅時候
但係頭痛嘅條件只有一個，太耐無客就會頭痛
我飲水，擦乾頭，大字型攤上床
無客，代表遠離左痛苦
幫人寫遺書係對自己嘅懲罰，無客人就無懲罰，無懲罰我就會輕鬆快樂咁繼續生活，而我唔容許自己快樂生活⋯⋯
所以，頭痛先係我真正嘅自我監管
咁我所見嘅屍體⋯⋯唔通⋯⋯
我一直誤會左屍體出現嘅意義？