[有沙入眼]是咁的，我嘅職業係幫想自殺嘅人寫遺書: 424.又紅又黃
miki食到兩邊嘴角都係黃色嘅芥末同紅色嘅甜醬
就好似我第一次同佢食肥姐嗰時一樣
「又扮麥當勞叔叔。」我一邊串佢一邊拎紙巾
點知miki好似好唔忿氣，喺我拎出包temple嘅同時錫左埋黎
兩手仲㩒住我隻耳仔，固定我個頭唔比我郁，然後嘴唇喺我嘴上面左右擦左幾野
搞到我唇邊都又紅又黃
「哼，鬼叫你蝦我。陪我一齊做麥當勞叔叔。」佢向我哼一哼，就擰轉面唔睬我
「搵次個嘴無野食味先錫我得唔得呀？」
「咩喎！明明上次係你錫我先囉。」miki扁哂嘴，我就用紙巾幫佢抹
佢個樣好似好谷氣，但係又嬲唔落咁，谷到塊面脹卜卜，成隻雞泡魚咁