[有沙入眼]是咁的，我嘅職業係幫想自殺嘅人寫遺書: 425.一分鐘

「我⋯⋯唔再幫人寫遺書喇。」

時值8點，我同miki選擇喺食晚飯時段食甜品，呢個時候甜品舖糖水舖都比較少人

沿途行去朗豪坊嗰段路，miki都無乜點講野

佢隻手，逐逐漸漸增加左回握嘅力度，但係仍然唔望我

「吓？！乜話？」果然，一出大技miki就嚇到難以置信咁望翻我





「無做喇，唔幫人寫遺書喇。」

「點解唔做？」

「雖然仲有少少野諗唔通⋯⋯」比如點解拜山嘅時候會見倒屋企人，但係：「但係大體上，已經諗通左。」

miki嘅表情流露出欣喜同鄧我開心嘅顏色，但係眼神深處反而有少少不捨同寂寞

「咁⋯⋯你之前話，我搵你你都幫我寫，係咪當無講過？」





我諗一諗，答：「唔會再接其他客人，但如果係你搵我，我就幫你寫。」

距離終結嘅鐘聲敲響，仲有，一分鐘