[有沙入眼]是咁的，我嘅職業係幫想自殺嘅人寫遺書: 426.miki生日

嗰晚，miki車我翻屋企

呢樣野平時應該男仔做，唔知係咪我想挽回翻少少男性責任，我同佢講：「下次我送你翻屋企丫。」

「嗯，好呀。」

嗰陣我淨係知miki住半山，實際位置真係唔清楚，到後來去到先知原來好偏僻下，唔怪得miki要揸車出黎

我同miki之後有一個星期，都因為佢要趕稿而無見面





再次見面嘅時候，8月3日，係miki嘅26歲生日

啱啱交左稿嘅miki終於可以輕鬆下

雖然8月2日嘅天氣唔係咁好，落大雨，好有可能3號都照落，但係佢都好堅決咁話：「我要去海洋公園！」

同女仔去主題樂園，上一次就係同阿may去迪士尼

「生日免費架，落雨我地咪去水族館睇吓啲傻尻魚囉。」





miki已經變翻之前嘅miki，可能因為佢心入面都已經接受左我，再加上太耐無見，掛住我掛？

好彩，天公造美，場雨喺3號嘅朝早轉細，到我起身嗰陣已經停哂，有翻陽光

「停左雨呀停左雨呀！我而家黎接你。」都係嗰句，女仔話黎接我，真係有啲唔好意思