[有沙入眼]是咁的，我嘅職業係幫想自殺嘅人寫遺書: 438.我幫佢地做手術囉
房入面落哂窗簾，昏暗嘅灰藍色包圍下，正中央沾左血跡嘅手術床上面，排左十幾隻四肢比人釘住，下體血肉模糊嘅老鼠
坑渠水混雜濃郁嘅腥味撲入鼻腔，連帶老鼠群「吱吱吱」嘅慘叫聲刺痛大腦
「叫都叫唔切，我咪話唔係呢度囉。」冷凍嘅手掌爬上我搏頭
「呢間係⋯⋯手術房？」我望住手術床上面掙扎嘅老鼠，唔敢擰轉頭望miki
因為我知，而家身後嗰個唔係miki
「係呀，爸爸買齊哂手術設備，所以醫生叔叔就喺呢間房幫我做手術。」
「咁啲老鼠⋯⋯」
「我幫佢地做手術囉。」
我用力咁呑左啖口水