[有沙入眼]是咁的，我嘅職業係幫想自殺嘅人寫遺書: 468.一步

「佢⋯⋯係咩心情？」

「唔想你死⋯⋯」

「我唔死⋯⋯就會殺左佢⋯⋯佢就會死⋯⋯」

當另一個miki完全支配身體之後，我就死路一條

唔知仲淨低幾多時間





唯一嘅方法，就係喺miki唔知情之下離開香港，去另一個地方

相親，竟不可，接近

但我嘅消失，亦同時代表另一個miki唔會出現，原本嘅miki就會生活喺一個無左我嘅世界

「我好清楚，無左佢嘅世界，我生存唔倒⋯⋯」

就算未來會遇上另一個肯接受佢嘅男人，miki都知道，嗰個人唔係我





「就算rose結左婚，佢都知⋯⋯無人替代倒jack。就算會再覺得幸福，都好清楚，一切係完全唔同⋯⋯」

我好明白，細個嘅時候玩暴龍機嘅快樂，同玩他媽哥池嘅快樂係有分別

唔同就係唔同

一個人格希望同我一齊，另一個人格想殺死我

我偷走，我同miki都唔洗死





「不過見唔倒佢，我同死左又有咩分別喎⋯⋯」

死又好，偷走又好，miki都唔會再見倒我

我消失，留低嘅正常人格，會因為我唔再喺佢身邊而淘嚎大哭

但我唔消失，出現嘅異常人格，又會因為我喺佢身邊而大開殺戒

面對向前行一步就死，向後退一步就無命嘅困境，miki嘅選擇，就係企喺原地自殺