[有沙入眼]是咁的，我嘅職業係幫想自殺嘅人寫遺書: 478.唔好放開手

呢個時候，我收倒個電話，對方通知我要整嘅野已經搞掂左

我仲同miki同居嘅時候走去訂嘅野，由於過左好一段時間，都幾乎唔記得左原來訂左

本身係諗住比個驚喜miki，但而家應該已經無用

「我⋯⋯」正想講取消張訂單嘅時候，阿心同嘉儀嘅眼神打消左我呢個念頭

「我過兩日過黎拎，唔該哂。」





收線之後，對面兩個女仔好欣慰咁微笑

「笑咩？」

「你個樣。」阿心講

「我個樣？」

「一睇就知有翻少少希望。」嘉儀接落去





我都唔知係唔係希望，但如果有呢一樣野，或者可以一戰

仲有時間可以準備，最後一次幫人寫嘅遺書，同最後一次嘅死亡見證

我起身，準備離開

阿心拉一拉我

「記住，無論如何⋯⋯」





都唔好放開手