[有沙入眼]是咁的，我嘅職業係幫想自殺嘅人寫遺書: 480.計劃

第二日，我聯絡左阿文同阿志，佢地聽完miki嘅情況，都問我有咩可以幫手

聽完我嘅計劃，佢兩個都呆左

「阿金⋯⋯你諗清楚，真係要咁做？」

「係，雖然唔知最後成功嘅可能性有幾大，但如果得的話，就要麻煩你地幫一幫我。」

我拎左嗰日miki襲擊我嗰陣留低嘅鎖匙比佢地：「你地攞去，咁樣會方便啲。」





阿志點點頭：「我明白喇。包喺我地身上。」

我將miki要自殺嘅時間地點話左佢地知

就算機會幾渺茫都好，一點點嘅時間差距就好大可能左右一條人命嘅生死

「不過阿金你真係掂？我見你好似無乜精神咁。」

「哦，因為琴晚一次過寫左好多野交比人，所以先唔係好夠訓。對計劃無影響，放心。」





然後我又將另一件事講比佢地知

距離準備工作完成，仲有兩樣野要做，做埋就搞掂

「阿金。」

「嗯？」

「你⋯⋯加油。」阿文向我打氣





阿志拍我搏頭，用右拳撞一撞我心口，無講野

心照啦