[有沙入眼]是咁的，我嘅職業係幫想自殺嘅人寫遺書: 485.婚紗

我帶左佢入客廳，叫佢坐梳化等一陣

本來我想比左樣野miki睇先，但係miki堅持要我收左佢封遺書先

「我突登搵人寫架，希望你睇完會明白我嘅心意。」

「點會唔明？」封遺書本來就係我寫嘅

「你太蠢咪唔明。」





我笑左，睇黎miki仲勉強維持倒自己本身嘅人格

好，我唔會比佢有機會出黎破壞我同miki最後相處嘅時光 

「送樣野比你。」

我打開房門，拎左一個好大嘅白色禮盒出黎，上面有一層波浪形坑紋

miki起初仲皺哂眉頭，望左個盒一陣，然後開始估倒係咩黎





「唔係掛⋯⋯」佢難以置信咁口噏噏，揸實自己手腕嘅手放鬆左

兩手扶住白盒，向上揭開

或者已經無人記得

或者連miki自己都已經唔記得

但係我一直記住，喺同佢一齊見證阿嵐婚禮嗰一晚，miki曾經講過





「我都想著婚紗⋯⋯」

盒入面，就係我白痴又無聊，心血來潮買黎送比miki嘅純白婚紗