[有沙入眼]是咁的，我嘅職業係幫想自殺嘅人寫遺書: 486.換衫
miki嗰對稍微暗淡嘅大眼漸漸回復光澤，視線終於移喺我身上
「你咁都記得⋯⋯」
「換左佢，我地今日結婚。」
無註冊無擺酒無證婚人，只屬於我地兩個嘅婚禮
雖然成件事似小朋友玩煮飯仔，但係我覺得咁樣已經夠
「吓⋯⋯？」
我唔識點形容miki嘅表情，好似係有啲驚訝，少少驚喜，忍唔住笑嘅同時又忍唔住喊
「我地今日結婚。」我再講一次，miki知道我好認真，於是抹一抹眼淚，用力點點頭：「嗯！」
佢拎住套婚紗小跳步行入我房，閂埋門換衫
而我就拆開信封，開始睇miki寫比我嘅遺書