[有沙入眼]是咁的，我嘅職業係幫想自殺嘅人寫遺書: 489.步向天台

我拖住miki隻手，打開屋企嘅大門，同佢一齊行出去

「跟住⋯⋯係咪見證我自殺？」

或者係因為我仲想陪多miki一陣，所以我選擇帶佢行樓梯上天台

我住嗰層同天台有三層嘅距離，陪著住婚紗嘅miki慢慢行上去，都幾浪漫

「唔係呀，跟住係行禮。」





天台，就係我地兩個嘅教堂

新娘進場嘅背景音樂已經安排好

我拎出手機，㩒播放制

喺播放清單入面等左好耐嘅鐵達尼主題曲，高聲歌唱

「行咯。」





我同miki十指緊扣，喺長笛嘅前奏滲入空氣嘅同時，邁步踏上通向天台嘅樓梯