[有沙入眼]是咁的，我嘅職業係幫想自殺嘅人寫遺書: 488.再答一次
「你個傻妹⋯⋯」我望住呢封miki自己寫嘅遺書，眼淚好自然咁滲左出黎
「阿金，我拉唔倒後面條拉鍊呀。」房入面傳出miki嘅聲音，我用衫袖抹一抹眼淚，就開門入去
我幫miki拉埋背後嘅拉鍊，而佢背脊上面嘅傷痕，亦靜靜咁比純白嘅婚紗包圍
佢拎起床上嘅白色面紗，戴喺頭上，轉身面向我
「我⋯⋯靚唔靚呀？」miki少少怕醜嘅眼神，望一望我，又移開視線
我嘅手穿過面紗，感受佢面頰嘅溫度
見證阿嵐婚禮嗰日，miki問過我同一個問題，但係我無答到
多謝個天，比我喺最後，有機會答翻呢個問題
「靚，你今日好靚。」