《唔係啩！我間房幅牆有個窿》: Chapter 09
翌日早上我一醒過來，就先看了一下那個洞口。
洞口不見了，變回了牆壁。至於那幾條繩子則懸空的連接在牆上，並沒有切斷掉下來。
我用手輕輕拉了拉，繩子像給鑲在牆上一樣，繩子的另一頭給固定在牆身裏面了。
哈！真有趣！不知道放一枝吸管在中間能不能一直跟水靈聊天呢? 下次試一試好了。
我收拾心情上班去。今天還是多雲有霧，天色灰暗暗的，若是以前的我遇著這種天氣心情一定會變得鬱結，現在我卻帶點興奮。
今晚會不會下雨呢? 不知道水靈那邊天氣又怎麼樣?
這時候我看見Carmen在前方拉著她的行李走著，我馬上急步跑上前。
「早晨呀，你去地鐵站? 」
Carmen看了我一眼，回答了一個「嗯」，又繼續眼望前方步行。
「食咗早餐未呀? 前面有間茶餐廳啲蛋治好正個喎，一齊去食吖? 」
她搖了搖頭，冷冷的道﹕「我食咗早餐喇。」
我屢敗屢戰﹕「咁不如聽朝約埋一齊食吖? 」
她還是搖了搖頭﹕「我呢幾日都唔喺香港。」
可惡！她的防護罩太強了！怎樣也破不開啊！怎麼辦呢?
一路無話，真的尷尬死了，而且現在離地鐵站還有一段路程，為免尷尬的氣氛持續下去，我唯有使出絕招。
我看了一下手錶，臉帶驚慌道﹕「嘩！原來我就遲到啦，下次再傾啦，拜拜。」然後腳底抹油的逃掉。
唉......我真的拿她沒轍了，無論怎麼做都突破不到她的防線......怎辦才好呢? ......
結果整天我都心不在焉的工作，還差點將一件公事搞砸了......
下班後我還在苦苦思索著，看見天空還是陰雲密佈，今晚大概會下雨吧......
啊！對了！水靈不也是個女孩子嗎? 這些少女心事還是問她最好！
雖然我也有要好的異性朋友，但要跟她們談心事的話總覺得很尷尬，跟水靈卻沒有這種感覺，可能是因為我們相差了十二年的時空吧。
回到家中，我吃過飯後洗澡，然後在房中一邊祈求下雨，一邊靜待午夜的來臨。
時間來到晚上十一時五十八分，我雙眼緊盯著牆壁，心想這一次一定要見證它出現的那一刻。
我死命的盯著，直到眼睛有點乾澀，忍不住眨了一下眼睛，卻不料才一眨眼工夫，那個洞就出現在眼前了。
What the......！還是看不到！算了......反正這個不是重點......
我拉了一下繩子，水靈的房間馬上傳來叮叮噹噹的聲響。
太好了！繩子還是跟原來的一樣。
接著紙杯傳來水靈的聲音﹕「點呀大叔? 」
還是先關心一下她，才問我想問的事吧﹕「無...關心吓你啫。想問吓你今日有無同個男仔傾偈咋嘛。」
她的聲音馬上變得很嬌羞﹕「傾...傾咗兩句囉......」
我倒沒想到她馬上就行動了，我興致勃勃道﹕「咁你同佢講咗咩呀? 」
「無...無咩特別呀......剩係問咗啲唔識嘅嘢咋......」
「啱㗎啦，聽日再傾多啲啲，後日又再傾多啲啲，傾吓傾吓就講吓笑，拍吓佢手臂。之後study leave包你約到佢出嚟。」
「有無咁易呀? ......係呢我應該幾時同佢講話淘大好危險呀? 」
「最好呢個禮拜啦，因為今個月31號E座就會被隔離，你早啲講等佢早啲做好準備嘛，咁當然都要佢信你啦。」
「嗯......」然後我們都靜默了下來。
我把握機會問她﹕「喂死妹釘，我有點嘢想請教吓你。」
她笑道﹕「哈！請教就唔敢當，咩事呀? 」
我不知如何開口，吞吞吐吐的﹕「咁呢...係咁嘅......我咪話過我隔離住咗個女仔，叫Carmen嘅......咁呢...呃......」
水靈截住我的說話﹕「想追人呀? 直接講囉，依依哦哦成個女人咁！」
一下子就給她說穿了，還好她看不到我脹紅了的臉。我以笑遮醜﹕「哈...哈......係呀......」
她「呵呵」笑道﹕「今次輪到你發姣喇，大叔? 」
唉......現眼報，昨天才笑她發姣，想不到風水輪流轉......
我唯有認命﹕「係...係呀......唔該幫幫手啦......」
「見你都幫過我，我今次就幫你啦。你講佢啲嘢嚟聽吓。」
於是我將認識Carmen的經過到現在的發展告訴了她。其實也沒有甚麼好說的，跟Carmen的對話根本用十隻手指就可以數光了。
「無啦，講完啦。」「吓? ！就係咁咋? 」「係呀......佢騷都唔騷吓我，我可以點喎? ......」「佢咁cool好難搞喎，等我諗吓先......」
片刻之後，水靈問﹕「佢自己一個人住呀? 無屋企人咩? 」
「無呀......」我突然靈光一閃。
昨晚不是看見她從安老院走出來嗎? 或許這是一個突破點也說不定。
於是我將看到她從安老院走出來的事告訴水靈。
「咁easy啦，你去安老院問吓啲職員，咪知道Carmen去探邊個囉。跟住你咪可以喺呢度入手囉。」
「吓? 得唔得㗎? 」那些職員會這麼隨便透露這些個人資料嗎? 而且我也說不出我跟Carmen有甚麼關係。
「唔試過點知唔得呢? 你去試咗先啦。」
她說的也有點道理，反正我也沒有其他辦法了，試一下也無妨吧。
翌晚下班後，我在那間安老院門外徘徊著，正煩惱著怎樣入手。
「咦? 恒仔? 你喺度做咩呀? 」有一把女聲從安老院的方向傳來。
我抬起頭望過去，卻見敏儀正從安老院裏走出來。
「敏儀? 你又喺度做咩呀? 」
敏儀理直氣壯道﹕「我做社工㗎嘛，去探下老人家幾咁出奇啫。你呢? 你喺門口行嚟行去做咩? 」
「我......」總不能說是因為追女仔吧? 我眼珠子轉了轉，道﹕「我有個friend住喺外國，佢想幫佢親戚喺香港搵間安老院，咪託我幫佢囉。」我頓了頓，續道﹕「我啱啱行過見到呢度有一間，正想行入去就見到你喇。」
「哦係呀，駛唔駛我陪你入去攞啲資料? 」
「好呀！話哂你係社工，呢啲嘢你熟啲呀嘛。」敏儀來得正好，我正愁著怎樣一個人混進去。
「跟我嚟啦。」她轉身走進安老院。
我連忙亦步亦趨的跟著她，她邊走邊跟我講解選擇安老院要考慮些甚麼，又將一些宣傳單張塞到我的手中。我卻沒心裝載的四處張望，希望找到有關Carmen親人的線索。不過當然，我是找不到任何東西的，因為我連她來探望的人是男是女，是高是矮也不知道，又怎麼找呢?
正當我想將手上的傳單塞回給敏儀，並藉詞離開時，我看到其中一張寫著甚麼招募義工。
「咦? 請義工? 」我好像看到一絲曙光，不禁驚呼出來。
敏義調皮道﹕「唉哎...比你發現咗添......諗住趁你唔覺意塞比你睇。」
「吓? 」我不太明白她的意思。
「你呢個人捐血又話怕痛，買旗又話人哋係建制派籌款。而家咪比個機會你做吓善事囉，費事你死後要落地獄啦。」
不是吧? 不做善事死後就要下地獄? 不怕那裏人滿為患嗎? 難怪閰羅王要將它建成十八層了。
換作是以前的我，定必反唇相譏，不過現在卻是個大好機會。
我道﹕「做吓善事都好嘅，反正星期日我都得閒，咪當係幫吓人囉。」我當然是醉翁之意不在酒。
敏儀有點驚訝的看著我﹕「恒仔你唔同咗喎！比著係以前你一定會話﹕『落地獄仲好啦！反正天堂都唔會有人嘅，悶都悶鬼死！』」
媽的！我有那麼差勁嗎? 不做善事有罪嗎?
我沒好氣道﹕「咁你而家滿意啦? 係咪填咗呢張form就得啦? 」我揚了揚她剛才一起給我的那張表格。
敏儀笑道﹕「係呀，填啲基本資料同簽個名就得啦。」
我拿起筆三扒兩撥的填好然後遞了給她﹕「比你得啦呵? 」
敏儀點點頭笑道﹕「星期日見啦，善長人翁！」
反正我的目的也達到了，我藉詞說拿這些資料給我朋友參考，就跟敏儀道別。