【還我心願】- 與二家姐一段不可告人的關係 (續篇): 【第二章】：第一節

　　　　　　　　　　　　　　　　　　　　　　　　　－　　　　　　第二章　始　　　　　　－
 

（一）
 

“杯雪糕好唔好味？”
 
“嗯...麻麻地啦~ 東京果邊有間雪糕店出果隻炸蜂巢雪糕仲好味呀~”
 


“咁又唔拎d返黎食~ 得個講~ ”



“雪糕嚟架，點拎返黎啊~ 痴線佬”
 
“放落褲袋唔得咩？”
 
“... 好好笑喎，蔣樂晨”





我回敬一句多謝，芷悠亦來一記藐視。
 
一星期了，
幾乎每個晚上或假日我們都會四處逛逛。
我們依舊的要好，
依舊親密像情侶般，
 
只是


 
我們不再是兩個人了




“珍珠奶茶到~ 登登登櫈”
Christie 興奮地舉起珍珠奶茶從商場中走出來
 
“我好驚啊...”
芷悠露出擔心的表情
 
我帶點疑惑：“驚咩？”
 
“我好驚真係會變肥啊”


芷悠望住我，樣子率真得帶點傻
 
這點傻，
傻得讓我開懷，
也讓我記起了



係喎...
 
唔記得你仲要返去搵佢...


（二）
 



“唔緊要啦，有人要咪得囉”
我貌似輕鬆地說這番話
 
其實經歷咗呢個星期，
我已經知道
我地嘅關係已經無可能再返去以前咁
 
就算偶爾親密；
偶有嬉笑怒罵
 
也會有一段空白，一段沉默
不經意地
插進我們之間






其實我好多嘢想問你，
但問左又點？
知道結果又點？
 
事實
還不是擺在眼前嗎？
 
 

“......”
芷悠回應我的笑容，
是帶點乾苦的微笑。


 
這是什麼？
你又苦笑什麼？
你已經找到你的幸福了
 
而我
就只可以學會慢慢放下



微笑吧
 

（三）
 

“芷悠，我地依家一齊去冒險樂園玩好無？”
Christie走進我倆之間，挽住我們的手臂。



三人行
 
我手拖著Christie，眼裏卻有意無意地偷看芷悠
 
……



走著走著，
走到一家婚紗店前；一系列華麗的婚紗



一剎那沉重地勾起了那夢境…
 
只是這次
你沒有背著我走，
而是面向我
告訴我，你的幸福已經靠岸了




Christie視察完一輪後，流露出渴望的眼神
“入去行下咯~”
就左右挾帶我們進去。



“哇，好靚呀！呢條backless，你地覺得呢？”
Christie流露出天真的喜悅，眼中的閃爍抱有對未來的憧憬
 
喺咪每個女人都鍾意婚紗？唔知
至少睇得出Christie好恨嫁
 
我和芷悠有共識地望向對方笑了





“娶我”
Christie突然伸出雙手撓住我手臀
深情地凝視著
 
“家姐喺度呀...傻瓜”
我帶點尷尬，稍稍偷望一下芷悠
 
佢都細心打量緊婚紗



嗯...
芷悠都喺時候揀婚紗喇
咁我...



“你好呀兩位，唔介意嘅話。可以跟我過黎呢邊睇下~ 因為呢邊有我地最新嘅款色”
女店員點一點頭




“喔...”
我再望向芷悠
 
“我返去先啦~ 唔緊要啊，你地慢慢揀吖”
芷悠笑一笑
 
Christie有點不願地：“唔好啦芷悠，你可以幫下眼比d 意見我地嘛”
 
“嗯... 其實我有d 唔舒服... 可能尋日d 海鮮唔新鮮呀... 我想返去休息下”
芷悠的嘴唇變得有點灰白
 
“家姐，我送你返去好無？”
“唔駛喇...傻仔，家姐咁大個人唔識返屋企咩？”
 
“......”
 
“阿b，祝你幸福快樂”
 
來不及說句多謝
芷悠就帶住親切嘅笑容，揮一揮手就轉身了



可是一瞬間
在推開門的一瞬間，
 
秀麗的長髮隨風搖曳，白哲的半張瞼
一顆淚珠卻像流星般從芷悠的臉上
滑落至下巴




芷悠？？


（四）
 

“咁... 兩位可以跟我過黎呢邊吖，等我為你地介紹下”
 
“...”
 
“做咩啊阿b？”
 
“無咩...我地入去咯”
我搭住Christie肩頭行入去



店員好認真咁介紹每套婚紗嘅設計、背後嘅靈感、
代表嘅意義；
而我腦裏面就諗緊芷悠嘅每句說話、背後嘅含義
滑落嘅眼淚...




究竟代表咩...？




“喂... 你係咪擔心緊家姐啊？ ”
Christie雙手悟住我塊面
 
我望向門外語帶抱歉：“喔... ”
 
“嗯...我見佢塊面白哂...有需要你陪佢睇醫生啦 ”
 
“咁你呢？ ”
 
Christie搖一搖頭淺笑：“你返去先啦，我想自己一個睇住先 ”



對唔住，敏怡
我...




跑出婚紗店門外的我，
遺下婚紗店中的你






“嘟......”
“嘟...嘟...”
“嘟...嘟...”
 
電話接通了
 
“你係邊？芷悠？”
“下？... 我返左屋企呀... 你...”
 
“得，我返緊黎”