【還我心願】- 與二家姐一段不可告人的關係 (續篇): 【最終章】：第四節
（十三）
我拿著花球走到Wesker面前，雙手隨之奉上。
“唔好意思... 個花球擺左太耐，我已經盡左力... ”
“唔緊要，個花球仲係好靚”
“最重要裡面有你嘅心意。多謝你，樂晨”
我望住Wesker，
原來喺呢個距離望住佢。
或多或少明白點解大家姐第一眼見到佢就發花癲。
身高只比我矮少少
但那帥氣的臉龐，散發一種溫文儒雅的氣質。
讓人一眼傾心
就憑呢點，
我已經知道自己比唔上佢，亦明白點解芷悠會選擇佢。
佢絕對配得起芷悠
如果喺佢... 我會明白
我伸出右手，語氣間變得嚴肅
“Wesker，應承我。以後好好地對我家姐，唔可以比佢受任何傷害”
Wesker有d 愕然，佢望望身邊嘅芷悠
然後伸出手：“一定，我會好好對佢”
我嘅眼神不其然地轉向芷悠
佢低著頭，眼神顯得閃避
“飲唔飲酒架Wesker？一齊飲吖好冇呀？” 老豆走過黎搭一搭Wesker肩頭
“呀... 呀媽咪，拎多個杯同洗多雙筷吖”
而我就向Christie示意想出去買飲品，走進房內
從暗格處拿走一盒能讓我放鬆心情的妙藥。
原來雨水的濕氣把盒子都弄得有點霉了...
感覺沒差，
把它放進口袋去，我就離開了這熱鬧的地方。
一步步往著自己的思潮裏走
然後對自己說
沒關係，你幸福就好了。
（十四）
零晨1 點多了，我輕力推開門
“咔嚓── ”
家裏又再回復一片死寂。
把廳燈開上，
正常在大食會一結束後出現的「兇案現場」
早已經被處理掉。
所有野都擺得整整齊齊，乾淨企理。
仲有陣薰衣草氣味傳遍周圍。
我換上拖鞋，像忍者般悄悄夭進房門前
然後又停下腳步。
轉身走向芷悠的房前，輕輕扭開門鎖
“咔── ”
“......”
房內仍舊整齊，也不難想像芷悠在那裏了
回到自己的房間後，我輕吻了正在熟睡的Christie。
然後打開電腦，
打開往時常閱的文件。
因為裏面還存在一切有關我跟芷悠的回憶。
Click一Click
開了些圖檔，都是些拍照、whatsapp對話紀錄擷圖
看了又看，
最後滑鼠一移，都放進資源回收筒。
直到某一張圖我止住了。
果張相喺芷悠同我第一次出街睇戲前所影既合照，
當時佢揸機影相，萬般害羞的我用嘴唇與她交織著。
她帶笑，含蓄地對我說了聲：很可愛
淡淡優香，仿佛從未離開過我唇邊...
我帶起耳機，點擊了那首我最近愛上的歌
“ I’m telling you, oh yeah ”
“ I softly whisper ”
“ Tonight tonight ”
“ You are my angel ”
可怕的是，我又再想起這些畫面
不爭氣地流下一道道心疼
雙手覆蓋眼球，還是無法讓大腦冷靜下來。
刪掉了，一切就告終吧。
拭乾眼淚後，我按下了那無法挽回的決定。
站起來，轉身時
Christie竟站在我身後
（十五）
我即刻企喺身擋住螢幕，雙手盡可能遮住
佢幾時起左身架？
屌！！掛撚住聽歌！
仆街喇呢鋪！！
“敏怡你... 我... ”
我驚到真係唔知講咩好
“做咩呀？有咩秘密收埋唔比得我睇？”
Christie面帶迷惑，然後笑我如此神經質。
好彩渣！
天啊！多謝你睇住小弟！！
“呀... um... 無呀，我唔想比你睇到我以前個樣渣嘛，因為好樣衰下~ 哈哈~”
發出一輪輪虛偽嘅恥笑，都係為求呢單野告一段落。
“古古怪怪”
Christie鼓起腮開始埋怨：“吖係呀。你呀，頭先又話買野飲，買買下又話臨時約左人... 知唔知世伯伯母佢地好嬲呀... 快d 諗下點補救呀你”
我無奈地鬆一鬆膊：“佢地訓一教無事架喇~ 哈哈哈”
“係呢... 芷悠係咪同Wesker走左喇？”
Christie點頭：“嗯，食完飯芷悠話送佢走，話今晚應該唔返黎”
“嗯... 咁我去沖個涼先，你早d 訓啦”
“咪住”
Christie叫停我
“點解你個身有陣煙味嘅？頭先去邊黎？講”
我chok個笑臉，摸摸佢頭頂：“頭先約左呀傻強，佢煙剷黎家嘛，唔記得喇傻瓜？”
Christie猜想著，好像也回憶起來了。
於是點點頭又回到被窩裡去。
而我就轉身步入浴室，再回頭看那張梳化。
“......”
低著頭，
把浴室的門關上了。
（十六）
“老公老公，唔好意思啊頭先開緊會，所以我聽唔到電話又打唔到比你”
“我黎緊架喇好快~ 等等我呀老公 啜~”
我溫柔地回應電話裡頭的傻瓜：“得喇~ 慢慢啦唔駛急 啜~”
“啜卜──”，敏怡嘻嘻一笑。
電話掛斷後，
望向天邊瀰漫的霞雲，正好是黃昏時段。
而我也正好身處於尖東海旁那間五星級酒店。
那時候的畫面，就仿佛昨日才經過。
此情此景，的確又回憶不少。
我沿住以往走過嘅路徑，一步步走向咖啡室一處。
裝潢沒太大改變，就只有推廣的飲品轉了款
而這個地方，依舊西斜。
我望向曾經的位置，仍然留空著。
於是我叫左杯espresso 就坐低左。
我飲左一啖，好苦。
慢慢放下碟杯、輕輕轉向窗外，
昏霞映照著，既醉人既傷感...
“叮叮─── ”
忽然一段清脆的和弦把我扣住，
我回頭一看，那熟悉的背影
正把指尖交錯於琴鍵上