浮生若夢 · 改寫夢境的事: 2

轉眼已經淩晨兩點，我都差唔多要訓。攤係床上面，諗唔翻今日做過啲乜，仿佛成個日頭都係度白過咁。

眼一開，面前嘅係平時我地身處嘅世界，首先我要搞清楚夢嘅主人係邊個，佢就係條街中間行緊。

正當我去到佢面前鑒賞以下佢嘅尊容嘅時候，佢望唔到我，但我係望到之後詫異地呆站係原地，因為佢係我嘅中學同學，一個我念念不忘嘅女仔。

「你好嗎...」我一路尾隨住佢一路自言自語，

「你係咪已經入左大學？」





「最近仲係咪咁中意聽周杰倫啲歌？」我知道我嘅聲音并唔會傳入去佢嘅腦裏面，但機會難得，我只想將我心裏面谷埋嘅一次過講曬佢。

思念一到濃時，場景亦隨之變換，換左做我高中嘅班房，出現嘅係日常我同佢嘅瑣碎事。

宜家諗翻都覺得幾唏噓，當年我就坐係佢斜對面，每次上堂都偷偷地望下佢，得閑小息放學就傾兩句，佢對於我呢個唔擅長社交嘅毒撚，簡直係天使嘅化身。雖然我外貌不凡，成績好，但我待人出事嘅能力簡直連嬰兒都不如，只要面對陌生人我就啞然無聲，呢個都係我到宜家無工做嘅原因，正當我比人排擠嘅時候，佢降臨左係我嘅世界，唔係夢，係真實嘅世界，佢做左我第一個朋友。

暗戀左三年，直到入大學大家各行各路，我都仲未開口。或者，呢場夢可以比我盡訴我嘅心聲。

「其實都過左咁耐啦，唔知你仲會唔會記得我呢個毒撚呢，同你三年同班同學，唔知你感唔感受到我對你個種感情呢。」我繼續自說自話。





夢好真實，屬於夢裏面嘅我搶左佢舊刷膠玩埋曬啲小學雞野，而你則笑住咁同我係班房到追逐。

「晴，其實我好中意你」我仰望班房嘅風扇隨口而出

夢停止左，時間停止左，動作停止左，而你卻若無其事地望向我呢邊，露出一副愕然嘅表情。

唔通，你見到我？無，無可能，係夢境遊蕩左幾年都未試過。

諗左一諗，眼前就變黑左。





我亦都醒左，但似乎天未光。