好有效率。
短短十分鐘之內已經比重兵包圍住。
然後出現係我面前既,係一隻地龍。
無名,但係好明顯呢條地龍唔講得笑。
用番打機術語,已經係大型副本既BOSS。

對於GM(我)黎講,打低呢個大型副本BOSS真係其實唔難,只不過咁樣做就會比人發現我係GM姐。
所以,我派左黑騎士出黎。
急CALL黑騎士要佢出動。



黑騎士,謎一樣既人物。
除左佢話自己無條件忠於我之外,其他野我咩都唔知。
會唔會係外掛?
點都好啦,借用黑騎士去打低佢啦。

「黑騎士……你果然係同黑騎士同一TEAM?」燈泡問。

唔答佢。
答黎都嘥GAS。



黑騎士可否同地龍一戰?
應該得掛。
所以,我9UP下先:

「點解要追殺我?」

地龍:「你究竟係咩人?」
我:「蜘蛛女王。」
地龍:「就係咁?」
我:「就係咁。」


地龍:「唔理點都好,奧丁大人……神大人已經落左命令,要捉拿你番去。你實在好可疑。」
我:「奧丁?神大人?乜水?」
地龍:「到時你就知,你最好乖乖地同我合作。」
我:「你都恰戇。你番跟你走就跟你走?」

冷靜少少先。
奧丁派條地龍黎捉我。
如果佢知道左我係神既話,就唔會出地龍,而係親自出馬啦。
大概,依家佢只係覺得我可疑姐。
可疑……
雖然話突然間出現係王宮既蜘蛛女王真係夠哂可疑。
有少少大意左添。

地龍:。「然後,黑騎士你又點解釋?你同黑騎士係咩關係?」
我:「無關係。我唔識佢。」



黑騎士:「我只係路見不平,拔刀相助姐。地龍,我一早就睇龍種唔順眼。」
地龍:「你最好唔好口出狂言。年輕人,係時候比你見識下龍種既可怕。」
黑騎士:「年輕?好笑。」
地龍:「你依家面前既係地龍,係地上面最偉大既種族。為你既傲慢付出代價!低賤之人!」
黑騎士:「所以我就話最唔鐘意就係蜘蛛同埋龍。太自大啦,你知唔知咩叫天外有天,神外有神?」

唔知喎!
我淨係知你地兩條目嘴淨係識鳩UP。
開拖就開拖啦!
9UP有咩用。

唔理點都好啦。
必殺技!
究竟奧義!



著草!
閃先!
有唔對路就走!
呢個係我既格言!
一字既之曰,撇!

外神仲留左係王宮入面呀屌!
唔理啦屌!
遲下先去回收啦。

地龍對黑騎士。
黑騎士有無問題?
唔理LU~
自己安全要緊。



不過今次走就甩都係無用。
係時候要諗下之後既對策。
唔係既話,奧丁又會一次又一次咁捉我番去。

麻煩。

八隻腳九秒九殺出左條血路。
總之,先逃走啦。
去搵一搵堅系令囡,睇下佢有無地方收留我先。

呀。
係另一條龍?
烈焰龍-尼德霍格



今次係條有名既龍!
已有 0 人追稿