第一隻外神整好。

奈亞拉托提普 LV1

HP:1
MP:1

力量:1  敏捷:1
防禦:1  魔力:1



莎布‧尼古拉絲 LV1

HP:1
MP:1

力量:1  敏捷:1
防禦:1  魔力:1

猶格‧索托斯 LV1



HP:1
MP:1

力量:1  敏捷:1
防禦:1  魔力:1

status唔係重點,淨係用黎呃字數架姐。
雖然睇落1,全部都係1,全部都係1,不過所謂既STAUS對我黎講根本無意義,係可以鳩改架姐。
因為係由我整出黎既怪物,所以其他神係無權限直接干涉呢班外神。
然後,HP同MP比我鎖死左,姐係話,無人可以傷到佢地一點HP。



花左成個禮拜時間、精神,先至整到幾隻細細粒既外神。
大約係手掌咁大隻。

奈亞之後唔記得點串係人形既外神,不過成身都係觸手咁樣。
莎布……是但啦係一堆觸手。
猶格唔知咩好似係一堆蟲卵之類既物體。

奇奇怪怪,是但啦,外型唔係重點。
重點係佢幫我辦事。
但係……好似無乜智能。
可能係因為佢地仲係BB。
要養大佢先得。
可能大過左先會有智慧。



閉關左成個禮拜日,出一出去先。
好似無咩變化。
睇黎魔王仲未開始攻擊,獸人仲未反抗。

「咦?好耐無見啦,呢幾日去左邊呀,我打鑼咁搵緊你。」
愛迪生同佢老婆跑左上黎搵我。

咩?

「你,究竟係咩人?」
愛迪生問。

「咦?咩咩人?」
扮聽唔明。



「唔使扮啦。有人黎左王宮,要求殿下交你個人頭出黎。如果你淨係一隻普通既蜘蛛女王,根本唔會有人要你個人頭。」
佢老婆,燈泡講。

「喂!係你話既!我係咩神話級魔物……咪住,係邊個要我個人頭?」
我講。

「龍王。地龍王諾姆。」
愛迪生補充。

地龍王?
地龍王因咩事要殺我?
似曾相識既感覺。
二千年後,奧丁派過風龍王黎殺我!

奧丁?


發現左我既身份?
唔會掛!

「然後,殿下趕走左地龍王。地龍王依家好嬲,要求我地三日之內交你出黎,唔係既話移平王國。」

咦咦咦?
等等先,係好事黎?
移平王國咪仲好……姐係話神根本唔會在意王國既興亡?
姐係話,就算我搞亂王國都對神無影響?

依家唔係諗呢個問題既時候。
有人要追殺我,而且仲可能係神既旨意。
去搵天照?
見一見天照會唔會好D?
都係唔好,我唔覺得見天照會係一件好事。


所以……

當我思考完既時候,先發覺比幾百精兵圍住。
黃金盔甲,每隻LV40左右,大概係使魔黎?

果然賣左我,大賢者。
帶頭既人係……
一條地龍?
睇黎佢地就算拆左王宮都要攞我狗命。

算把啦,佢地係無可能殺到我。
但係,無論點都好,都唔好亂咁用管理員權限。
或者,奧丁佢地仲未查到我係神,只不過係對我既身份起疑姐。

之但係,唔用權限,點樣可以走得甩呢?
睇怕都幾難啦。
所以,就決定用你啦!
黑騎士!
已有 0 人追稿