就係咁,我成為左勇者。
事情實在太突然,我到依家都仲未清醒過黎。
宙斯係邊個黎?
唔知,好混亂。
唯一知道既,就係魔王城成座爆左。
倒塌,然後四圍都係瓦礫。

魔王城入面D既魔物唔得閒理我。
岩啦,趁機逃走啦。



天空上面出現左一個黑影。
係 烈焰龍帝-尼德霍格。
聽聞係火龍王之子,亦都係下任火龍王既人選。
咁樣既大人物親自黎攻擊魔王城。
實在有D奇怪。
究竟魔王係咩人?要火龍王子親自黎攻擊?

瓦礫上面既魔物同時迎擊火龍。
但係對於火龍黎講,呢D魔物同微型蜘蛛一樣,都係一開技就唔知死幾多十隻既垃圾生物。



微型蜘蛛……
好討厭呀!
有隻蜘蛛跟住左我,爬左上去我身上面。
想跟住我一齊逃走?
彈走佢!

咪住。
我依家逃走真係岩咩?
定係應該去幫手刺殺魔王?
魔王……


感覺上,魔王唔係到。
成座魔王城既守衛軍隊簡直係烏合之眾。
好散,好廢。

佢地既主力放棄左呢個據點?

唔可以用人既常識黎諗魔物既行動。
無錯,對於魔物黎講,根本唔需要國土。
可以去到邊,住到邊。
所以,區區一座魔王城,佢地根本就可以隨意拋棄。

話說,我要跑幾耐先番到去?
好現實既問題,呢座魔王城都離戰線幾遠下。
起碼對於人黎講,唔係可以跑過去既距離。
魔物真係好,跑過去真係唔難。



徒弟仔又唔係到,唔可以用大型魔法傳送番去。
好麻煩呀。

!!!

敵人!
前面!

直覺話比我知有敵人!

「究極光束」

前面突然之間有條巨型光束射左過黎。
避開絕招!



【女王】 蝴蝶女王-線蛺蝶 LV80

HP:86482
MP:165521

力量:3152  敏捷:5249
防禦:2041  魔力:5675

又係神話級魔物!
係咪痴線架!
個個都係BOSS,我仲可以打邊個呀?

「勇者?咩稱號黎?」佢問。



冷靜少少。
status高姐,那又如何?
睇我一拳打爆佢!

「算啦,我問你,就係你毀滅左魔王城?」佢問。

唔得。
行錯一步就會死。
佢應該一開技就可以秒殺我。
目測佢後面仲有一大班兵黎緊。

「究極光束」
好近!
比佢打中實死硬!
避唔到!



黑色盔甲。
前面有副黑色猛甲係到擋住左。

黑騎士。
黑騎士?
之前黎救蜘蛛女王既果個人?

黑騎士:「魔王有令,唔可以殺佢。」
蝴蝶女王:「魔王?係蜘蛛女王咋?」
黑騎士:「點都好,唔可以殺佢。」
蝴蝶女王:「你地既事,關我咩事?我只會效忠於黑王。行開,蜘蛛既走狗。」

「行開既,係你。」

黑騎士一拳一打中左蝴蝶女王個肚。
好強既威力。
打……打暈左?

條頸好痕……隻死人微型蜘蛛仲未走?

「你究竟係咩人?」我問。
「……無。我只係覺得好有緣姐……好耐無見啦。」

黑騎士除左頭盔。

黑色短髮既一個女仔。
好後生既女仔。

班長。
已有 0 人追稿