自殺以後，進入了RPG的世界: @勇者

就係咁，我比佢地俘虜左。
放左去個監獄入面。

呢到係……魔王城？
睇黎呢到係魔界既核心。

有無腦架……你咁樣咪姐係將魔王城位置既情報講比我知。
萬一我逃獄成功點算呀！
呢班人真係好笑。
算啦，我唔應該為敵人操心。




不如諗下點樣逃獄好過啦。

呀？有隻蜘蛛？
微型蜘蛛。
好弱既生物……
好細粒，成日都見到既生物。

佢行左入黎監獄入面，爬上左牆角織網。
好污糟。





……

好悶呀！
一隻獄卒都無！
想點呀！
係咪真係有心困住我架！

睇我一掌打爆你道牆。

呀。




用唔到技能。
睇黎個監獄唔比人用技能。
唔緊要，我一拳就打得爆你D鐵柵欄啦。
吃我一拳！

嗯。

鐵比我想像中硬。
斷左。

骨折呀呀呀呀呀！
條骨斷左呀呀！斷左幾多條呀！
好痛呀師父！

好。




睇黎無咁易走到出去。
以不變應萬變。
唔郁！
等運到！

大爆炸~☆

咩事呀！
發生大爆炸呀！
碌SEVEN大爆炸咩？

睇真D。
唔係大爆炸，係打雷。
成道雷打爆左座魔王城。





是但啦，反正都打到我變爆炸頭。

發發生咩事？
成個魔王城都無避雷針？
呀，唔係。
呢個世界邊到有避雷針，唔好將前世既記憶混為一談。

有個人？
巨人族？
佢個名叫……宙斯？

「魔王……既然係咁，就出勇者啦。」
佢咁講。

咩咩意思？





「就交比你啦，討伐魔王既重任。」

咦？

[獲得稱號【勇者】]

「發生咩事？」我問。
「我都想知。所以就交比你啦。」宙斯講。

莫名奇妙！！！
想點呀！！！

「你既任務就係殺死魔王。」





吓？

「比個忠告你，你依家好走啦。再等多陣就有龍王黎空襲呢到。」