魔王死左。
果個魔王,STATUS超高既魔王死左。
黑騎士……唔係,係海龍王,海龍王輕而易舉咁打低左佢。


我睇到呆左。
根本就係秒殺。


海龍王變番做人型,變番做班長個樣,然後除左套盔甲,件衫變成以前套校服,然後望住我。




冷靜少少先。
重點唔係佢既實力,而係呢個黑騎士係蜘蛛女王既人。
班長已經變左。
呢個班長係黑騎士,已經唔係以前果個好人。


明明頭先仲扮到……扮到自己好緊張其他同學咁。
但係轉過頭就補刀,殺左自己既同學。




「蓮……」佢開口叫我個名。


「唔好、唔好行埋黎!」我即刻大叫。


佢係黑騎士,唔係班長。
佢係蜘蛛女王既鷹犬。


係佢既走狗。


「我有苦衷……」
「我唔想知。」
「對唔住……」
「你殺左佢呀!你明明知道佢係你同學黎架!」


黑騎士吸左啖氣,然後講:


「果一日,大家都死左。」




我:「夠啦!」


「係個班房到,大家突然之間死左,唔知發生咩事。然後,我就黎左呢個世界。早你地少少啦,大概係呢個世界誕生初期,我就出左世。」


「唔想知。」


「無錯,我就係海龍王。我轉生之後,變成左條龍,仲要係龍王。」


「點解你要殺左佢呀!」




「有好多既理由,呢一刻唔可以話比你知住。」佢深深吸左啖氣。


「你唔好行埋黎呀!」


「我只可以同你講,我唔係你既敵人。我同你一樣,都係好憎蜘蛛女王。」


「唔使係到講大話啦!」


「你聽唔聽都好啦,我只係想提埋你,要小心蜘蛛女王。」




「唔使你講都知。」


「後面!」


班長撲左過黎,推開左我。


班長問:「蝴蝶女王?」


我身後有個蝴蝶女王,對我發動攻擊。




「你係咩人?」蝴蝶女王問?


黑騎士因為變番做以前班長個樣,所以蝴蝶女王唔認得佢?


「魔王已經死左,係蜘蛛女王所為。」班長繼續講。


蝴蝶女王:「你係咩人?」
班長:「我係咩人並唔重要,重點係蜘蛛女王殺左魔王。」
蝴蝶女王:「點解我要信你?」


蝴蝶女王攻擊我?
點解?


班長抱住我,用劍擋開蝴蝶女王既攻擊。


「你,點解要殺佢?你係蜘蛛女王……背叛左魔王?」班長問。


「唔知你講咩,究極光束。」


蝴蝶女王開技,成枝巨型激光炮射落黎,但係比班長擋住。


班長唔理佢,抱住我,跑出王宮出面。
係宰相?
宰相派左援兵黎增援?


「宰相大人!」我講。


宰相身後有成數百精兵。
數百精兵應該都擋得住蝴蝶女王?


「眾將士聽命,燈泡刺殺女王,罪不可恕,殺無赦!」


吓?
又係要殺我?
點解要殺我?


「要走啦。睇怕,呢地四圍都係蜘蛛女王既人。」班長同我講。
已有 0 人追稿