成個王都變成廢墟。
應該話,成個王國變成左廢墟。
女王死左,再加奇怪既異形爛肉怪物出現,令到王國幾乎滅亡。
雖然教皇唔知用左咩方法,封印左爛肉怪係幾百米外既地底下面。
大將軍戰死、大賢者受左重傷。
可幸既係,教皇同宰相兩個人重整好王國既形勢,先至令到王國不至於滅亡。


但係,我知道,宰相係蜘蛛女王既人。
所以,王國基本上落入左蜘蛛女王既手入面。




同魔界既戰鬥入面,哥布林同獸人,以及巨人、不死族倒戈。
以上四個種族都加入左魔界。
王國既人一氣之下,殺哂牛頭人、馬面等等既低等種族。


總之,王國殘存係到,苟延殘喘。




而另一方面,魔界既情況都唔係好好多。
魔王死左,外面流傳係同女王同歸於盡。
當然啦,實際上係比蜘蛛女王所殺。
失去左女王,再無人可以領導魔物。
蜘蛛女王、蝴蝶女王、黑騎士失左蹤。
巫妖被殺。
得番魔狼、骸骨龍係到。


知道魔王死左之後,骸骨龍都走左,唔再留係到幫手。


姐係話,魔界基本上得番魔狼同埋巨人呀、獸人、哥布林、不死族呢D人係到。


世界大亂。
都係蜘蛛女王既錯。
宰相、蝴蝶女王都係佢既人。


然後,作為新任魔王既我,應該要點樣去做?
無錯,我成為左新任魔王。
係班長安排我去做。
反對?魔界根本就無人,何來會有人反對我做魔王呢?
姐係話,我只係得個名既魔王。
同時係魔王,又係勇者,真係好矛盾。




不過,依個咁混亂既時勢,老實講,我咩都做唔到。
Alice,我應該要點做?
如果係你,你應該知道要點做啦。
始終我唔同你,你聰明過我咁多。


而至於班長,班長真係相信得過咩?
佢一路幫緊蜘蛛女王做野,而另一方面又同我講佢好憎蜘蛛。
呀~唔知呀唔知呀~


老老實實,我覺得咩人都唔可以信。
因為個個人,都可能係蜘蛛女王既走狗。
點解宰相會去幫蜘蛛女王?


明明宰相一路只係扮緊份工,覺得好頹,成日覺得好無耐。
但係點解轉眼間就變成幫蜘蛛女王呢?
唔知,好煩。


會唔會,蜘蛛女王就係Alice?
唔會掛。


係我煩惱緊既時候,宙斯出現左。
自稱係神既佢帶住另一個人走左過黎。


龍人?
未聽過既種族。




個龍人個名叫尼德霍格。
好熟……係火龍王之子,之前有份追殺過蜘蛛女王既人?


「既然你係魔王,就幫幫手統治好魔界,然後,佢係黎幫你既。」宙斯講。
講完,佢就走左。


我嘆左口氣。
個局勢亂到咁,點解唔係你做魔王呢?
點解要搵我?




佢:「我係尼德霍格,正如宙斯所講,係黎幫你。」


我:「咁你上頭有無落Order,話我要做D咩呀?」


佢:「無。」


我:「吓?」


佢:「就只係想你管理好魔界,唔好令到世界大亂。」


我:「我覺得依家已經好亂。」


佢:「二分天下。王國果邊唔使理都得,然後呢邊就要靠你。」


我:「我唔想幫手喎。我淨係想殺左蜘蛛女王。」


佢:「私人恩怨唔該行開第二邊。」


我:「你有無諗過蜘蛛女王就係搞到個世界咁亂既原凶。」


佢:「無喎。」


我:「……」


佢笑左一笑,然後講:
「話埋比你知,個世界咁亂,唔係因為蜘蛛女王,而係因為王都果隻不知名既爛肉觸手怪物。似乎係異界黎既怪物。」


我:「哦。」
已有 0 人追稿