大約已經掌握到現代既形勢。
外神二號封印左係精靈國到。
外神一號封印左係地下城最底。
其他外神我就唔記得咁多啦。


當年既宰相就係今日既精靈王。
我依家直屬手下有精靈王、黑騎士、蝴蝶女王。
然後,透過精靈王去呃左魔狼、黑龍尼德霍格幫手。
魔狼到左今時今日變左做獸人領主。




而當年曾經討伐我既果條火龍,今日變左條黑龍,亦都係龍人領主,仲要係無自覺下幫緊我行動。
雖然講緊係咁講,但係兩個領主由始至終都唔知我既存在。


火龍王係中立地區個火山上面休養緊。
地龍王就封印左係地下城第9層。
姐係話,呢個時候天照得風龍王可以用。


好。




一切都已經準備好。
跟住下一步要點做?


去一去魔王城先。
魔界呢個時間點係無魔王。
魔王依家仲只係隻蛋,仲未出世。
當然啦,果個魔王就係我。






獸人領主同龍人領主困住左隻蛋係個監獄入面。
都好既,廢事我四圍亂咁走……
不過算啦,都係困唔住架啦。


巨人領主好似去左地下城。
哥布林領主去左遠征。
姐係話成座城得番獸人領主、惡魔領主同埋龍人領主……同埋D細粒野。
好似少左個人?
應該無,係我諗多左。


聯盟果邊似都無乜大作為。
幾個王國都係鳩下鳩下咁。






天下太平。


愈靜愈好。
咁樣先可以殺佢地個措手不及。


計劃第一步,目標係宙斯。


眾所鳩G,宙斯會係半年後左右……大概啦,比我殺左。
係呢一個世界,係無可能殺得死神。
擁有神權限既人,應該點都係唔會死。
所以,我要係呢一個世界殺死佢。






只要令用空間魔法,轉移佢去香港就得。
呢個係此時此刻既我既任務。
mission possible。


問題係,點樣可以引到宙斯出黎?
天照呢Don9女就日日四圍行黎行去好撚得閒架啦,但係宙斯奧丁呢D,平時好日都未見過佢地。
要捉佢地出黎,其實幾難。


哼。
其實唔難。






只要利用外神就得。


【先兆】格赫羅斯
外神唔知第幾多號,總之就成粒殞石,有隻眼係到咁。
今次就決定用你啦。


外神到,外神到,好走快兩步。
叫外神光明正大咁浮係天空。
呀,超級月亮咁款。
唔知會有幾多傻仔出黎追月呢?
唔知juicy會唔會做埋傻仔呢?






好猖狂,但係好似無人理。
無乜動靜。


計劃失敗左?
錯啦。


已經引左佢地上釣啦。
雖然無人係到,但係我開權限就感應到,有幾個人埋伏係到。
係宙斯既人?


所以,要小心D。
目標唔係宙斯D手下,而係宙斯本人。


只要佢一出現,我即刻傳送佢去香港。
咁就大功告成。


黎啦,出黎啦。
出黎啦,宙斯。