計劃毫無疑問,成功左。
上回提到:
1.我番番去現代
2.準備送宙斯去香港

真係比想像中簡單好多。
用權改求其改一改寫個世界,宙斯就出黎搵發生咩事。
一見到佢,就即刻傳送左佢去香港。

比想像中……簡單?




真係,話都無咁易就收拾左佢。

好,輕輕鬆鬆就鄧紫蜂。
根住就係天照同奧丁。
麻煩友兩個。
呢兩個人應該無咁豬兜。

打低佢地應該係有難度。
所以,一切順其自然啦。





依家開始計番,兩個月之後奧丁會比外神打傷,半年後風龍王黎殺我(以前既我)。
大把時間。
呢半年發生既事我咩都知道哂,半年之後會發生咩事我真係唔知。
雖則話可以用時間魔法直接飛去半年之後。
但係為節外生枝,廢事將件事簡單複雜化。

依家要做既係……
係……
唔知。





咁就HEA陣先。

夜閒人靜。
依家依個時間點……換做香港應該係平安夜。
平安夜……關我撚事。

是撚柒鳩但啦。

只係估唔到有份咁大既聖誕禮物姐。

風龍王。


龍、襲來





「你究竟係咩人?」風龍王問我。

比佢發現左?

「你係外神?」佢問。

「我係……」

佢用人形態,望住我。
個LOOK係精靈族既弓手。
雖然話係龍王,但係對我呢個偉大既神黎講,根本唔係一回事。

笑左。
等等先。
唔可以殺佢架。




如果跟番條時間線,風龍王係唔會死。
要殺佢就留番佢係半年之後。

再者。
宙斯已經突然間失左蹤,呢個時候風龍王死左既話,一定會打草驚蛇。
不過,點都好啦,我已經出現左。
天照佢地一定有所戒備。

「暴風射擊」
又係D超懶求其將兩個詞語塞埋一齊就算既技能。
因為係風屬性,所以頭果個兩字就係暴風。
因為係射出去,所以尾果兩個字就係射擊。
懶到咁,不如咪鬼好作啦,都唔知邊條死懶鬼作既。

不過,呢個唔重點。




就算招技能幾HEA都好,都係風龍王用出黎既技能。
佢既射擊破壞力極大,將我身後既一個山頭都削走左。
好誇張既破壞力。
所以之前黑騎士係嚴重放緊水?

然而,就算破壞力再強,都係對我無效。
我鎖左血,條HP值唔會扣,就係咁簡單。
所以,係呢個世界入面,係無可能殺得死神。

「你究竟係咩人?」風龍王再問。

「寒冰斬擊」
另一招超HEA既技能。
不過唔係我用,亦唔係風龍王用。





係黑騎士。
黑騎士前來救場。
「你走啦,同你既主人講,外神將會復活……唔……哈哈哈哈哈哈!!!」
然後我瘋狂大笑。