WARNING WARNING。
奧丁出現左!
佢帶埋火龍女,一齊出現。
佢帶埋蛛女(以前既我),落黎呢到。

無時間啦。
要係呢到解決奧丁。

隱形化自己。
就算係奧丁,就算係其他既神都無可能識破到我係呢一度。


一切依計劃進行。

話口未完,奧丁、火龍妹、蛛女同時從天而降,整爛左天花板,跳落黎呢個大空洞到。

奧丁:「舊日支配者?」
外神:「當然,唔係啦。」
奧丁:「你係咩人?」
外神:「我就係你地既惡夢。」

加油呀,你得架阿布唔知咩。



奧丁等都唔等,一刻都無遲疑,即刻展開攻擊。
佢將手上面既長槍,掟去外神到!
爆炸。
好驚人既一擊。
如果真係硬接既話,應該直接會扣十萬血,就算係龍王都會直接受到重傷。
可惜既係,呢一場戰鬥唔適用呢個世界既固有系統。
由於外神係出自我手既產生,因此可以無視HP上面既損害。
當然,奧丁係神,亦都會無視系統帶黎既任何傷害、效果。



簡單而言,係呢個世界,無論係奧丁,定係外神,都無可能剷除到對方。
係呢個世界。

黑騎士條粉腸搞緊乜?

外神用觸手還擊。
其實都只係做下樣,應該話雙方既戰鬥都只係做樣既戰鬥,無論點,都無可能傷害到對方。
不過,所謂既做下樣既戰鬥,激烈程度大概已經凌駕左呢個世界史上既任何一場戰鬥。
呢D就係神話既戰鬥。

突然間覺得自己好型,可以好冷靜咁描述呢場戰鬥。
發覺我有講波既天份?
雖則蛛女既我,即係以前既我望住呢場戰鬥,可能已經嚇到瀨屎。

「蜘蛛結界。」



WTF?

蛛女唔知發咩神經,出手幫奧丁。
智障呀!!!
你衝出黎做乜柒呀!
關你咩事呀!!!
點解要出黎作死呀!!!

火龍妹:「你傻左?佢唔係你可以應付到既對手!」
外神:「哦?有趣。」

「哼哼。」蛛女係到冷笑。
仲扮乜呀!冷咩笑呀!
明明依家時間係心入面諗緊仆街手殘點撚算好?



我發覺我到依家都未死真係奇蹟黎。

外神:「我話你,你啊,蛛女。你,係咪有少少唔同?」
外神應該都知道左蛛女就係啦……始終都係咁on9……
不得不承認我真係個on9仔。

外神:「我以前係咪見過你?你好似有少少唔同。不如咁啦,成為我既僕從!」
火龍妹:「咪聽佢講!成為佢既僕從既話,就會變成果D核突既生物……」
外神:「關你咩事!」

外神發嬲,攻擊火龍妹。
火龍妹比佢打暈左。

外神:「我保證,絕對唔會變成咁,你將會變成最強既舊日支配者,好似係見過既克蘇魯、拉普拉斯之妖咁,唔係,你會比佢地更加強!」



是撚柒鳩但啦……咦?
終於……
唔好再遲D?

奧丁衝左上黎。

外神:「不過,你地都幾做得野喎!奧丁!居然咁快就發現左,如果再過多半日既話,大概已經污染到呢片大陸。」

放大招了!
奧丁開始用技。

外神:「黎啦,等黑暗污染一切啦!」
奧丁:「永恆之槍」



「靈魂轉移」

[靈魂轉移:把指定目標的靈魂轉移至前世的肉體身上,只能轉移至相同時間點的肉體身上。]

黑騎士擁有既特殊技能。
簡單黎講,就係將蛛女入面既靈魂轉移去前世既我身上。
奧丁同理。
將奧丁既靈魂轉移去另一個世界到,咁樣,佢就無管理員權限,咁樣就可以殺死佢。

「你去啦黑騎士,唔好再遲到,番黎比個合理既解釋我。」我講。
空間魔法,將黑騎士轉移去香港。
已有 0 人追稿