收到黎自黑騎士既報告,奧丁已經比佢解決左。
係呀,解決左啦?
真係快手。
不愧係黑騎士。
定係話奧丁太廢呢?
老實講,我成日仍住奧丁會3神入黎最難搞果個,點知咁易就比黑騎士KO左。
跟住淨番就係天照個八婆。
唔……唔知點解我感覺到自己好似做錯左樣野。
做錯左咩呢?計漏左咩呢?
是但啦,WFC。


反正天照都好快就會比我打低架啦。

依個時候,以前既我應該已經進化左做蜘蛛女王。
都係咁,求其HEA下HEA下啦。
火龍王應該都癡左線去襲擊魔王城。
精靈王都計劃緊令到外神二號復活。
世界大亂,好耶。
蜘蛛女王(我),好似去左森林果到偷懶。
好似話係去做下地區既BOSS。
體驗一下BOSS既生活。


所以我就安排左阿蝴蝶女王去陪陪佢。

我都係時候放鬆下。
反正3大神都得番最豬最蠢既天照,輕輕鬆鬆鄧紫蜂啦。

Let’s relax
一於就拖下劇情進度。
微服出巡。
一於就去魔王城先。



久違既魔王城會議。
魔王個位吉左。
係因為偽魔王john死左,唔洗記得係邊個,小配角黎。
而且應該又未搵到新既魔王。
咁就梗係啦,你地既魔王大人去左蛇王呀。

於是,就由惡魔領主暫代魔王個位。
獸人同龍人領主仲係到。
哥布林係到。
巨人缺席,係,因為佢仲係地下城入面,而之前扮做巨人領主既人,其實就係以前既我(蛛女)。
係咪少左個。

「sor鳩,遲左。」
不死族領主登場。
嗯,排骨。



「塞車呀,sor。女僕姐姐,唔該你幫我沖杯咖啡。」佢對住我講。

無錯,我依家混入左魔王城扮成女僕。
吓?要我幫你沖咖啡?

「做咩呀!聽唔到呀?」排骨係到擺架子。

成堆領主係到望住佢,一句野都無講。
真心覺得佢好柒。

佢成個癡漢咁行埋黎。
我一步一步行出會議室。
佢又好傻仔咁跟住我。
死癡漢……



佢一行出會議室,道門即刻關左。
我關既。
然後扑濕佢,收埋佢去外神三號既神祕空間到。
然後我冒充佢。
扮成佢,行番入去會議室。

「抱歉,頭先講到邊?」我入番黎。
全世界望住我。
然後繼續會議。

「聯盟有事發生。」惡魔領主講。
「無錯,精靈王打算復活外神。」哥布林領主回答。

咁你都收到風?


係喎,哥布林領主之前好似自稱係前外神,係二五仔!!!

「我堅決反對出兵。」獸人領主。
「無錯,之前同火龍王戰鬥完,我地國力元氣大傷。」龍人領主。

呢兩個人係卧底黎。
係精靈王D FD。
我記得你,龍人領主,上古時代既時候就係你同地龍王黎揍我。

「但係依家係外神,上古時代既怪物,如果比外神復活,呢個世界就會玩完!」哥布林領主好激動。
「聯盟班人自己會處理,聯盟點會連咁少既事都做唔到。」獸人講。

好麻煩。
怪我囉?
已有 0 人追稿