「不死族領主,你強左好多。」
揍完我之後,獸人領主懶係野咁同我講野。
呸,手下敗將。

獸人領主:「以你既資質,留係魔界到真係好咩?」
我:「咩意思?」
獸人領主:「魔界已經無得夠。惡魔領主已經掌握左實權,簡直同魔王無分別。」
我:「所以呢?」

佢呆左,然後講:


「但係,佢唔係魔王。」
我:「係。」
佢:「而且,依家既魔界,就只係神既一隻棋子。」
我:「神?」
佢:「女神天照、軍神奧丁、雷神宙斯,三大神既棋子。雖則聯盟依家都係咁。」
我:「……」
佢:「你相信神?」
我:「廢話少講,直接講重點啦。」
佢:「加入聯盟啦。」
我:「吓?」



佢清左一下痰,然後繼續:
「雖則聯盟都一樣,都只係神既走狗,而且聯盟之王一早已經私通左惡魔領主。」
我:「……」
佢:「不過,我希望你同我一樣,加入精靈王,幫佢手改變呢個世界。」
我:「改變世界?」
佢:「反抗神,就好似上古時代,第一次魔界侵略聯盟咁。」

我諗左一諗。



「我拒絕。」我講。

「係咁,我都唔強求你。」
佢無意挽留。
講完就走。
或者對佢黎講多一個排骨不多,少一個排骨不少。
呀,姐係話緊佢做叛徒呀!二五仔!反骨仔呀!
唔驚我報串咩?
睇黎真係唔驚。
應該係覺得排骨無GUTS報串,根本睇唔起佢。
排骨都幾慘下……明明係領主。

放番真正既排骨出黎先。
將自己變成微型蜘蛛。
跳落去獸人領主身上,跟住佢去精靈國。



花左幾個月時間,終於去到精靈國。
比想像中遠好多。
路程真係……悶到出汁。
龍人領主同獸人領主,兩條友都好少出聲講野。
呢兩個叛徒……

黎到精靈國。

「係呀,惡魔領主掌握左實權。」精靈王講。
精靈王。
我其中一個手下。
同蝴蝶女王一樣,都暗地裡幫我行動。
而精靈王既任務就係,召喚外神。
獸人領主同龍人領主應該都唔知佢想召喚外神。


就算佢地想反抗神都好,都唔會想見到世界毀滅。

「不過,比起呢樣野,有樣更加緊急既事發生左。」精靈王講。

佢繼續:
「神話級魔物,骸骨龍,黎緊襲擊本國,我地軍隊就黎擋唔住佢。」

獸人領主:「骸骨龍?」

骸骨龍,堅系令囡既左右手之一,同獸人領主一樣。

獸人領主:「知唔知點解佢會……」
精靈王:「我仲想問你知唔知點解佢會咁做。不過,佢係認真,已經死左幾個團,所以,我希望你兩個可以出手,叫停佢。」
獸人領主:「我明白啦。」



獸人領主同龍人領主,兩人各帶一個部隊,約數十人到,前去擊退骸骨龍。

大平原,離精靈國城池約一百公里外,見到骸骨龍。

「係你?魔狼?」骸骨龍講。
「你係到做緊咩?」獸人領主。
「我反而問緊你,你知唔知自己做緊咩?」
「同上古時代一樣,反抗神!」
「召喚外神黎反抗神?」
「外神?」
「你應該知道外神係幾咁恐怖!」
「我地唔係召喚緊外神!」

骸骨龍沉默左,然後講:「我同你無說話好講,讓開!」



獸人領主指揮後面既軍隊。
「攻擊!」
反面既人同時用魔法攻擊骸骨龍。
已有 0 人追稿