事情好似預期咁樣發展。
精靈王召喚外神二號。
然後,所羅門王偷偷地通知惡魔領主。
惡魔領主帶住魔界眾人黎到精靈國,阻止外神既降臨。

左邊係精靈國。
精靈王、獸人領主、龍人領主、白雪、大賢者同埋作為間諜存在既所羅門王。

右邊係魔界。
惡魔領主、哥布林領主、排骨。



雙方戰場上直接正面交鋒。
戰場上帶兵既係獸人領主同埋哥布林領主。
論戰法,獸人領主完全唔係哥布林領主既對手。
好快,獸人領主就處於劣勢。

大概,獸人領主同埋龍人領主都未知精靈王既真正目的。
召喚外神,毀滅世界。

【先兆】格赫羅斯 LVVVVVV



HP:01110010101
MP:100111110111111111110010100

力量量量量量量1111:011101  敏捷:111010
防禦111010?10???魔???力闁?

我其中可以運用既一個外神。
就係一粒巨型、漂浮係空中既殞石型外神。



呢一刻要用到佢。
因為BOSS已登場。

蜘蛛女王同埋火龍女利用空間魔法,突然之間出現係山脈上面。

理所當然既,天照出現。

外神既手下出現左,欄住左火龍女,但係故意放走左蜘蛛女王。
然後,我登場。
當然我唔係用蜘蛛女王個樣啦。
我用左一團黑霧,纏住我個身。
走出去,望住天照。

「外神?」天照問。
我無答佢。



要諗方法收拾佢。
要利用空間魔法,傳送佢去地球。
再係地球殺死佢。

風龍王出現左。
纏住外神。
姐係話,依家係我同天照一打一。

「你就係幕後黑手?一切既原凶?」天照問。

「阿撒托斯⋯⋯我個名。」我回答。

速戰速決。
發動空間魔法。


傳送我同天照去地球。

⋯⋯

失敗了?
點會咁?
空間魔法居然會失效?

根據系統顯示,有一項特殊技能可以令到一定範圍內既大型魔法、特殊技能無效。
叫 技能封鎖。

大意啦。
呢個時候先醒起,地下城果到都係唔可以用空間魔法。
可惡⋯⋯果陣我應該可以推斷天照係可以無視我既空間魔法。
唔得,實在係太大意啦。


我實在太過相信空間魔法呢招。

「究極光束」
我比天照打中。
999999點傷害。
如果我無鎖住條血,如果我無GM權限⋯⋯
我已經死左。

「⋯⋯」
天照都有D驚訝。
開始懷疑緊我既身份係神?
咪住,外神都係可以無視傷害。
佢應該仲未知道我係神。

風龍王?


無錯⋯⋯
係我成為神之前,風龍王都黎過襲擊我。
果次係話奧丁命令⋯⋯
但係明明奧丁果陣已經死左⋯⋯

大意⋯⋯
絕對唔可以睇小天照。
天照比想像中⋯⋯麻煩。
已有 0 人追稿