一模一樣的劍法。
幾乎係完全一模一樣既兩人。
如果海龍王無著黑騎士盔甲既話,大概令人以為果到有一塊鏡,白雪對著塊鏡舞劍。
黑騎士同埋白雪。
兩個一模一樣樣既人。
究竟……發生緊咩事?

黑騎士同白雪係到戰鬥緊。
白雪以勇者既名義同黑騎士戰鬥。
勇者對黑騎士。


但係黑騎士唔單止同白雪一樣樣,就連劍技、動作、呼吸都一模一樣。

係失散多年既姊妹?
即使係雙胞胎,佢地既同步率實在係太高。
高到比人一種感覺,佢地就係同一個人。

即使係咁,黑騎士遠遠壓制住白雪。
實力差太遠。
經驗差太遠。
明明劍技係一樣,但係白雪完全唔夠黑騎士打。



輸左。
白雪半跪左係地上面。
勝負已分。
係黑騎士壓倒性既勝利。

「你究竟係咩人?」白雪問。
「黑騎士。」黑騎士回答。
「無可能。」白雪講。
「咁係因為,你就係當代既黑騎士?」黑騎士回答。



無錯,當代既魔王,姐係身為蛛女(依家呢個時間點應該係蜘蛛女王)既我,比左黑騎士盔甲白雪。
白雪一定覺得奇怪,點解會有第二個黑騎士。
而且,呢個黑騎士清楚知道白雪本人係黑騎士……
咦?
我應該無同過黑騎士講,白雪係當代黑騎士。
超級1999。
好混亂。

「你究竟係咩人?」白雪再問。
黑騎士無再回答,準備走人。

「咪走!」白雪飛撲上去。
「我唔係你既敵人。」



黑騎士一擊就打暈左白雪。

麻煩呀!
唉,現身先。

用空間魔法送白雪番去精靈國。

「係啦,黑騎士……」我開口問。
「做咩?」佢回答。

……

「都係無野啦。」我講。

然後,佢就走左。



想開口問佢,但係又唔知點問佢。
明明根據呢個世界既系統顯示,海龍王同白雪兩個人完全係無關係。
兩個人明明大欖都扯唔埋。
但係點解兩個人會相似成咁?

定還是,有D咩野,就連系統都無記錄低?

唉,好麻煩。
煩惱既事實在太多。

唔撚理,話之佢。
都係果句啦,船到橋頭自然直。

不過,精靈王都差唔多要召喚外神。


而結果就係,召喚既過程當中,比魔王,蜘蛛女王襲擊。
召喚失敗,精靈王當場被殺。

呢D一切都唔係重點。

重點係,天照呢個人會出場。

目標係,天照。
雖然呢個時間點唔會殺到佢。
但係,傷到佢,知道佢弱點就得。
已有 0 人追稿