是咁的,我依家同地龍王隻抽緊。
無得用權限既我,就只係隻普通既蜘蛛女王。
而對面係四大龍王入面既地龍王。

好耐未試過遇到真正既強敵。
強敵……

唔惦,今次既實力真係差太遠。
比起以前打火龍王,打第8層果隻怪物,今次既實力差距更加之大。
唔好講status上,技能上比佢完全壓制。


佢仲可以運用地屬性既所有技能。
根本就無得打。

「大地咆哮」

佢張開嘴,發出衝擊波。

必殺技。

逃走。


逃避雖可恥但有用。
三十六計,走為上……

逃走失敗。
佢只係輕輕一跳,已經由我背面跳到去我前面。

蜘蛛結界!
出蜘蛛絲封鎖佢既行動。

「天空殞落」


封鎖佢行動係無用既。
佢仲可以施展魔法技能。
天空上面出現左巨型殞石。
係我上面……

避開。
好彩,無事。
轉眼間,地龍王已經掙扎開蜘蛛絲,去到我面前,揮爪!
「龍之爪」
又扣左兩萬血。

HP倒水咁倒。
HP:85154/128954

我只係食左佢兩擊,就已經得番8萬血。


無陰公。
但係,戰鬥力上真係存在巨大既差距。

我唔可以死係呢到。
但係,更加唔可以比以前既我去死。
的而且確,可以叫黑騎士黎救我。
但係,黑騎士一定要去救左以前既我先。
以前既我應該係魔王城入面,同風龍王戰鬥緊。

兩邊都係苦戰呀。
我只要撐到黑騎士黎到呢到support我就得。
但係……睇怕無咁容易。

「蜘蛛魔眼」
用番以前既打法。


用猛毒先,再拉打拖延時間。
我既必殺技就係猛毒。
但係……猛毒傷害每秒最多只可以扣到1000血。
對方係廿二萬血既地龍王。

「自然之歌」
地龍王開技能。
將毒狀態解除。
唔係……下話。

呀……如果係打機既話,呢一關應該就係果D必輸既關。
正常黎講,係唔會打得贏既關卡。
通常呢D關打完之後就會有劇情發生。
但係……依家既我一旦輸既話,就會死。



死左既話會點?
會一無所有。
至今累積既所有野都變為零。

又食左一擊。
得番六萬血。
眨下眼,已經無左一半血。

但係我……真係唔夠打。
我無手段打得贏佢。
連我最大既殺手鐧,一直所依靠既猛毒都無用。
今次……真係卡關了。

又犯錯。
好簡單既錯誤。


望住佢揮爪,但係唔記得避開。
得番……四萬血。

再食多兩擊就死。
已經比佢扣左八萬幾血。

可惡……
唔通我真係……咩都做唔到?
今次真係……輸左?
輸……?

至奇呀。
我唔係比佢扣左八萬血,而係仲有四萬血係到。
就算佢攻擊力再高都好,只要打唔中我既話,就係無意義。
就算佢技能再多都好,都唔會傷得到我。

我MP多過佢。
呢個係我唯一贏佢既地方。
所以,只要我同佢打消耗戰,磨死佢就得。
我黎啦,地龍王!

揮爪。
HP:20154/128954
然後,我瞓左係地上面。
已有 0 人追稿