自殺以後，進入了RPG的世界: 地龍王 II

HP所剩無幾。
大概只要再硬食多一下就玩完。
而對面仲有幾十萬血係到。

不愧係地龍王。
實力遠遠比我想像中強。
無得開權限既話，係無可能打得贏佢？

所以，要放棄？
無可能，咁難得先去到呢一步，點可以就咁放棄？





「大地咆哮」

專心避開佢既攻擊。
唔可以再犯任何既錯誤，只要比佢輕輕打中，我都會即時死亡。

地龍王既敏捷遠遠係我之上。
單係避開佢既攻擊，我已經用盡全力。

「蜘蛛結界」




利用蜘蛛絲，綁住佢！
對住佢眼睛－－

「暗影長槍」
打中佢眼睛。
鮮血直流。
但係痛楚並無阻止到佢既行動。
佢MAY埋受左傷果隻眼，然後用手捉住左我。

「 你 究 竟 係 咩 人 ？ 魔 王。 」地龍王問。





果然，天照一早就發現左我既身份。
風龍王同地龍王係佢派黎殺我。

HP得番二萬血。
我又比佢捉住左。
姐係話我已經比佢將死左，無棋。

「 重 實 招 來 。 」地龍王講。
呢一刻，地龍王係到審問我，咁姐係話……
佢仲未知道我係神。

佢加大力度捏我，HP慢慢係到扣緊。
嗚……





「 投 降 啦 ， 你 已 經 輸 左 。 」

「輸你個頭。」我笑左。

邊有咁易打得贏我！

被動技能。
[女王之怒:自身HP30%以下時，附近生物將會前來支援]

附近幾隻蜘蛛型怪物突然之間出現，襲擊地龍王。
係地龍王詫異緊既時候，我掙扎開出黎。
蜘蛛型怪物只係雜魚，係無可能幫到我手殺死地龍王。
所以－－

「蟲洞」




我開技能，我面前出現左個黑色既蟲洞，將果班蜘蛛型怪物吸入去，殺死佢地。
再加上被動技能。
[生命吸取:當你造成傷害時，為自己回復等量的HP]

同時對複數既敵人使用AOE技能。
瞬間回左十萬血。

「 你 以 為 你 咁 樣 就 打 得 贏 我 ？ 」

「蓋亞之怒」
地龍王突然之間咆哮。
係大地震！
HP持續下降……
一萬血一萬血咁扣……
嗚……





轉眼間，頭先回好既HP又去番谷底。
地龍王只要認真起上黎，係可以直接秒殺我？
頭先，一開始就係同我係到玩緊？

地震得好犀利，幾乎行唔到路。
樹木倒塌哂……好混亂。

「龍之爪」
地龍王跳到黎我面前，最後一擊取我狗命！

直接命中。
HP:0
HP歸零……





死左？
死左。
死左……

係佢眼中，我係死左。
係佢眼中。

[幻像魔法:迷惑敵人，使敵人陷入幻像之中]

的而且確，我係無可能殺得死佢。
但係，正如我一早講過。
逃避雖可恥但有用。

正當佢以為殺到我既時候，我一早已經走左。
趕緊去魔王城。