魔王城。
終於黎到魔王城。
岩岩好,以前既我帶埋黑騎士走左。
場上淨番風龍王、天照、火龍妹。

「你黎啦咩,魔王大人♥」天照講。

我咩都無講。

「岩岩地龍王試你既反應就知,你就係外神既BOSS?果然魔王大人♥係有兩個人,唔怪得我頭先CHECK另一個你,都CHECK唔到D咩。」天照繼續講。





「廢話少講。」我講。

最終決戰。
同神既對決。

「技能封鎖」天照用特殊技能,令到呢片空間無得用特殊技能。
姐係話,我發動唔到神既權限,天照都係一樣。
不過,天照仲有風龍王係到幫手。
如果正面同佢地打,根本唔會有勝算。





「等等!發生緊咩事?」火龍妹問。

「唔知呢♥」天照講。

「聖光球LV100」
天照身後出現左100個光球,然後每個光球同時發動攻擊。
100枝光束同時射過黎,好誇張……
每一條光束都唔算太粗,但係100條射過黎,就算係龍王都唔會擋得住啦。





逃。
狗衝出去。
講笑咩。
後面D光束仲射緊過黎,我一路狗衝出去。

「次元障壁」
我前面出現左一道透明既牆,過唔到去。
係所羅門王?
點解佢會係到?

「你玩完啦!」風龍王衝左埋黎。
「暴風射擊」

「魔法反制」我開技能,勉強擋住佢既攻擊。
但係人形既風龍王已經撲到埋黎,一腳踢落我到。





好撚痛呀,師父。
但係……

「大海嘯」
突然之間風雲色變。
巨大既海嘯直卷而來。
將成座魔王城拆毀。

「係咩人?」天照問。

終於黎啦。
海龍王。
唔係以黑騎士既身份,而係以海龍王既身份,係天空上面飛翔。
我騎住左上海龍王上面。





「(笑)」我講。

「海龍王……?」天照有少少驚訝。
「係海龍王♥」我回答佢。

風龍王變成番龍既型態,同海龍王互片。
地龍王都趕到過黎,幫拖。

情況係我同天照one on one。

「你想點?咪洗指意傷害天照大人。」火龍妹走出黎救場。

「等等……發生緊咩事?」排骨突然之間出現。
係喎,唔記得左呢個人添。





「阿俊,你信我嗎?」我問。
「咦?你係……?」佢好驚訝。
「無時間同你解釋,總之幫我手拖住火龍妹,總之我係你既朋友啦。」我同佢講。
「哦。」然後佢走左去拖住火龍妹隻手。

唉,點都好啦,無時間理佢啦。

要上啦。
同天照one on one。

「嘻嘻,你以為你夠我打咩。聖光球LV100。♥」

避開!
逃。




繼續走。
二萬五千里大長今。