自殺以後，進入了RPG的世界: FINAL BATTLE

「唉，好心淡。估唔到當年果個害羞小毒毒小蛛蛛今時今日居然會變成大壞蛋。」天照嘆左口氣講。

唔需要SO佢，速戰速決。

「回頭是岸呀，自首啦，官會判少你幾年刑架！」天照繼續9UP。

呢到係地球。
大家都用唔到管理員權限。
公平既對決。
公平？真係咁？





學校天台。
無咩特別既天台。
有少少無間道FEEL？

「所以呢，加百列，你幫佢對你有咩著數？」天照突然爆一句出黎。

西裝金髮鬼佬出現左。
地球本來既神。





「拿，我無幫佢，我就中立既。你兩個……我都唔會幫。」加百列講。

「你比佢係到同我打，咪姐係幫緊佢囉。」天照回答。

「哈，講呢D。我只係唔明，你點解要搶神個位，你以為神好好做咩？又要聽上頭ORDER……雖然你地果邊咁細個世界無上頭……又要打理個世界忙到死，點解唔好地地做個玩家，要做GM呢？做玩家幾好呀，可以自由自在咁活著，可以係到享受隻GAME。」加百列突然望住我笑。

「玩家係唔錯，但係前提係個世界會接納到佢既存在。」我回答。

「你既意思係……無論以前既世界，定係天照佢地既世界，都接納唔到你？」加百列繼續問。





我無再回答。

黑暗飛彈。
天照避開左。
天照並無選擇同我正面戰鬥，而係逃走。

佢狂係到奔跑。
大愧已經估到我放左伏係天台，所以選擇係第2度打。
可惡，直覺真係犀利。
呢個女人好麻煩。

夜已深。
馬路上幾乎無車。
正好成為左我同天照戰鬥既舞台。





「聖光球LV100」
天照舉起手，一百個光球同時出現，同時向我射擊。

避開……好難避。
好勉強先避開到既時候，天照已經埋到我身。
好近！

「究極光束」
零距離發射！
避唔到？

空間魔法！
利用空間魔法避開。
好險。
果枝光束擊中左條天橋，成座橋倒塌左。





「喂！你地唔好咁過份喎，我點樣跟手尾呀！」加百列講。

無視佢。
去到天照後面，用蜘蛛絲絞殺佢！
係幻像？
佢唔係到？
去左邊？

上面？

「聖光球LV100」
係我正上方，100枝光束打落黎！

空間魔法。





只要我有空間魔法，任何既攻擊我都避得開。

好遺憾，呢一場戰鬥，我早已經立係不敗既局面！

就算係天照，係你，都無可能擊敗到我！