自殺以後，進入了RPG的世界: 完了吧，如無意外

天照已死，蜘蛛當立。
傳送番自己去RPG世界。
天照已經死左，我係世界既唯一神。

贏左。
係，的而且確已經贏左。
雖然無乜真實感，但係我已經贏左。
打低左最後既敵人。

番番去魔王城。




見到地龍王、風龍王、海龍王，仲有排骨、火龍妹、所羅門王係到等緊我。

「女神大人呢？」風龍王問。

地龍王諗都唔諗，扑左過黎。

發動管理員權限，將地龍王完全消滅。
一秒鍾都唔洗，地龍王完完全全灰飛煙滅左。

「如你所見，我就係女神，哈哈。」我同佢地講。





海龍王變番黑騎士，半跪左係我面前。
「恭喜。」佢講。

風龍王等人唔敢輕舉妄動。

「嘻嘻，下一步應該點做？」我問。

終於都到左呢一步。
我應該點做。




成個世界屬於自己。
已經無人阻到我，我想點就點。

「就……殺哂所有人先？」我笑住咁講。

風龍王唔敢出聲。
唔敢激嬲我，驚我真係咁做。

「咁樣好咩？」排骨問。
「唔好咩？」我問。
「咁樣好咩？」佢問。
「好。唔好咩？」我問。
「唔好。」佢答。

我:「你好鍾意呢個世界咩？」




佢:「麻麻姐。」
我:「咁點解唔可以毀滅佢？」
佢:「點解咁樣就要毀滅佢？」
我:「……」
佢:「……」
我:「既然個世界有負於你，咁就去毀滅佢啦！」
佢:「我明，但係無論點都好，都無咁樣既必要。」
我:「點會無？」
佢:「就算生存係個世界幾唔開心都好……」
我:「你食屎都要話好食我唔阻鳩你。」
佢:「點解唔可以期待下未來……」
我:「GET OUT」

一野彈左佢出去。
屌，嬲。




唔知佢UP乜春。

殺哂所有既生命體。
立即。

個世界遲D我點整都好。
無所謂！
首先，將所有野DEL哂先，一切由零開始！
殺死哂所有既生命。
將來個世界係點唔再重要。
重要既係，呢一刻我將會建立一個新既世界。

完。
此POST已完。





「空間魔法。」所羅門王開口講。

咩話？
點解所羅門王同黑騎士未死？
明明……世界上所有既生命都已經……

呢到係邊到？
我比佢地傳送左黎香港？
發動唔到特殊技能？

然後，我比黑騎士背刺左。