上回提要:略。

無辦法之下,我決定落去第9層。
依家既我身處係地下城第8層,但係怪物LV實在太高,我絕對唔係對手。
如果我要上去第7層,就要先打低隻火龍。
火龍比起第8層既怪物仲好打,所以都係MISSION IMPOSSIBLE。
逼於無奈之下,唯有落第9層探下路先啦。

重申一次,第8層既環境係好特別。
嚴格黎講係一個空心既圓柱體形狀既大空洞。


而我地就係個圓柱體入面。
大空洞正中心既位置就只有一個阿撒托斯既石像,其他咩都無。
而其他既生物,絕大多數都係蟲類,都係地上面或者牆上面爬黎爬去,但佢地絕對唔會靠近石像。
出口就只有兩個地方。
一,爬牆上去懸崖果到,亦姐係第7層。
二,地上面有個位係裂開左,行近少少去睇先發現有個樓梯,相信係通往第9層既道路。

奇怪既係,條樓梯係無怪物看守。
應該話係,連一隻怪物留係果到都無。
正常黎講,唔係應該每層地下城都有隻BOSS守住,打低隻怪先可以落去下面咩?


定還是係,果隻阿撒托斯本身就係第8層既BOSS?只係比人封印左?

好順利咁行左過去,路上面無魔物襲擊我。
點都好啦,落左去睇下先。

隻腳一行入樓梯,就有一股惡寒係到。
好強大既壓迫感。
直覺話比我知,下面有好強既生物係到。
唔好行落去……我隻腳係到發抖。



情報掌握,第9層究竟係咩來頭?

[尤克特拉希爾地下城-第9層:大地。]

都係得兩個字。
完全不知所云。
都係算啦,始終命仔要緊。
無謂行落去送死……但係我又好想落去睇睇。

好奇心始終戰勝左淆底之心。
反正,唔落去我都打破唔到困境,第7、第8層我都係生存唔到。
反正點都好,最多咪又係一大班超強既魔物係到,然後我升唔到LV。

行左落去。
第9層……係一個巨大既洞穴。


大多可以……容納幾十條龍。

地龍、角龍、沙龍……係,全部都係龍。
每一條龍實力……最弱都有第7層果條火龍既級數。
好多既龍,戰鬥力遠遠比第7層果條龍高。
最特別既係,有一條龍坐左係一個高台,洞穴既正中央。

【地的元素使】 大地龍皇-諾姆 LV83

HP:228543/228543
MP:159421/159421

力量:9436  敏捷:6294
防禦:9789  魔力:8398



地的元素使?咩意思?
大地既龍皇?

[【地的元素使】:只有一個人能得到的稱號,授予給大地的支配者。使用地屬性技能時,攻擊力上升100%,受到地屬性攻擊時傷害減少100%,MP消耗變為0,能使用所有的地屬性技能,亦能無效化所有的地屬性技能。]

似乎遇到個好不得了既龍。

地龍同頭先果條火龍完全唔同。
火龍有類似蝙蝠既翼,翼之外仲有四肢,可以四肢爬行,又可以兩肢行走。
而地龍就似係一條大蜥蝪,無翼,只可以四足爬行。有少少似科莫多龍,但係身上面多左好多角,皮膚似都好似岩石,感覺上惡好多。

龍無襲擊我。
全世界都係到望住我呢個入侵者。

「 你 係 咩 人 ? 」



地龍王開口問我。
點答佢好?
鬼靈爬行者,呢個係我種族名。
但係,佢應該唔係想呢D野。

「 點 解 你 會 落 到 黎 ? 你 應 該 比 結 界 擋 住 入 唔 到 黎 。 而 且 點 解 你 只 係 得 LV 1 ? 你 咁 樣 既 LV 點 解 會 出 現 係 第 8 層 ? 」

「好簡單姐,我可答到你。」突然間出現左一把聲音。

「 係 咩 人 ? 」

「你呢個問題問得真係好,我亦都好樂意解答你呢個問題(略」

略唔係我懶得打省略左佢,而係佢真係講埋個略字出黎。



一個身穿白色斗篷既女仔,唔知邊到跳左落黎,然後坐左係地龍王個頭上。

「佢係轉生者。」個女仔輕描淡寫咁講。
咩話?佢究竟係咩人?
點解咁清楚?

「我係邊個?我咪係人見人愛既魔王大人囉!」
個女仔跳左落黎,對住我笑。

【魔王】 精靈-天照 神官 LV99

HP:8432/8432
MP:13964/13964

力量:768  敏捷:975
防禦:753  魔力:1521
已有 0 人追稿