眼前出現左個白色衫既女仔,然後佢自稱係魔王。
等等,依家發生緊喵事?
我黎到地下城第9層,之後就見到一大班地龍同埋地龍王,然後就見到呢個自稱係魔王既女仔。
佢個名叫天照,係日本神話?
然後佢自稱係魔王。

呢個世界既事……唔太明白。
姐係話呢個地下城係魔王既產物?係屬於魔王既?
[非也。]





情報掌握同我講「非也。」應該就係話魔王同地下城無關?
咁魔王又點解出現係呢到?

「點解我會出現係呢到?你見到我第一件事就係問呢樣野?」天照講。

吓?佢識讀我心?
不愧係魔王,比想像中更加可怕。
明明只係個細路女,但係佢比我既感覺……佢絕對唔係一個細路女咁簡單。
真不愧係魔王,好有厭迫感。





「多謝讚賞。不過我出現係呢到唔重要,我只係見到你卡緊關好慘咪黎幫下你姐。」

幫我?

「無錯。」天照笑笑口講。
口蜜腹劍,一定有陰毛。

「咩呀!無囉!好衰架!咁話人!」

我望一望地龍王,地龍王完全無插嘴。




連地龍王都要臣服係魔王之下?
之但係STATUS黎講同地龍王完全係無得比,甚至隨便搵條地龍都勁過佢。

如果我講錯咩野,會唔會比佢殺死架?

「點會!乜你咁睇我架!雖然我係叫魔王,但我絕對係好人!」天照講。

咁你要點幫我?

「我可以送你去一D新手村之類既地方。」

有咩條件?

「條件梗係有啦,你話比我知,你第8層果到……」





「做左D咩?」天照突然間烘塊臉過黎,好嚴肅咁望住我。
_
無野做過。

「究極光束」
天照突然之間開技能,一條巨型光束係我臉上面擦過。
[究極光束:以魔法攻擊,對直線敵人造成極大量光屬性傷害,然後自身陷入虛弱狀態(1分鐘)]

喂喂……
你真係想殺左我?

「依家唔係事必要你講,你唔講既話,係咪想死第二次;執返黎既人生,咁快又無左,你真係想咁?」天照笑笑口講。

……





「講笑咋~好啦,無事發生過就算啦,你可以合埋眼啦。」天照又繼續講。

吓?
咦?

眼前一黑。
然後,呢到係……?

[魔界-原始森林]

咦咦咦?
轉移左?係瞬間轉移?
我突然間去左個森林到?
魔界又係咩回事?





[世界分為兩大勢力,人類聯盟和魔界。人類聯盟估據了大陸的西部,由精靈、人類、矮人三個種族的國家組成。魔界為東部大陸的勢力,由魔王獨自統治,由惡魔、不死族、龍人、獸人、哥布林、巨人等的種族所組成的勢力,魔王大多都為惡魔。]

唔唔,不過頭先果個天照係精靈喎。
明明係精靈,之但係又係魔王,咁奇怪既?

不過,呢到既魔物LV都好低,最岩就係用黎升LV。
總之,依家就安全啦。
不過……
魔王究竟想查D咩?
好彩果陣我比佢嚇到咩都諗唔到,腦閉塞左,如果比佢知道我拎左個[阿撒托斯的僕從]稱號會點?
然後阿撒托斯又究竟係咩人?個石像又係咩回事,同天照係咩關係?

一時之間太多野諗,處理唔哂。
唔理LU,麻煩既事唔好理住,一路升下LV打下怪先再講啦。