自殺以後，進入了RPG的世界: 奈落的巢穴

[等級上升至32]
[獲得稱號【力量的象徵】]
[【力量的象徵】:授予一擊造成超過1000點傷害之人。自身力量上升8%。]

殺死水馬之後，LV又上升左。
之不過同水棲暴龍仍然有一大段距離。
約翰同水棲暴龍苦戰緊。
約翰中左隻暴龍一擊之後，得番一半既HP。

我唯一可以做既就係，利用蜘蛛鋼絲束縛住暴龍。




暴龍既攻擊力高到，一擊大概可以打到我重傷，甚至可以秒殺我。
要我正面同佢打係無可能。
之不過利用毒同蜘蛛絲偷襲既話，我絕對做得到。

本來約翰同隻暴龍係五五波。
但係加埋我既支援之後，終於拎番優勢。

暴龍張開口。
然後撲埋過黎。





「折躍之門」
約翰用佢僅存不多既MP，製造左兩個空間斷層。
一個放係約翰既面前，一個放係約翰既背後。
暴龍衝過黎，衝入前面既斷層，消失左，再係後面既斷層衝番出黎。

好強既技能，亦都將約翰既MP幾乎用盡。
不過我既猛毒都唔差。
係暴龍衝番出黎既時候，我突襲佢。
利用蜘蛛毒牙，賦予佢猛毒狀態。
同時利用蠍子毒尾，加強毒既傷害。





暴龍似乎受左重傷，係到掙扎。

「凍結射擊」
約翰再攻擊暴龍，令到暴龍無法移動。

「快。」
約翰示意我去收頭。
比我升LV。

毒素激發。
殺左。

[等級上升至37]





無想像中咁難打。
不過，約翰既HP同MP都見底了。
佢坐左係冰橋上面，望住我微微一笑，然後摸下我個頭。
依家先發覺，佢都幾靚女。

「辛苦你啦。」佢咁講。
嗯。
我講唔到野，回答唔到佢。

佢好似又開左個唔知咩空間傳送門出黎，係入面拎左條蕉出黎。
請我食？
異世界既……香蕉？
都係黃色咁一條蕉，無咩特別。

第一次食到人食既野。




喊左。
好味。
呢幾日，應該話係轉生黎到呢個世界之後，未正正經經食過野。

呢幾日我係點樣維生唔洗捱餓呢……唔好提啦，真係痛苦既回憶。
蟲，真係好難食。

見到我係到狼吞虎嚥，佢又係到笑，然後又摸一摸我個頭。

「我MP都回復就七七八八，食飽就好起程啦。」

我望住佢。

「做咩呀？」
第三層打BOSS已經苦戰，第四層落到去點算？




真係打得贏咩？
允其係第七層果隻火龍，係絕對無可能打得贏既對手。

今次贏到水棲暴龍可以話係好彩，之後打算點？
呢D事，我無講出口，亦都無辦法講到出口。
我只可以做既，就係默默咁跟住係佢後面。

點解我要跟住佢，其實我自己都唔知。
一開始只係貪快貪方便，痴住佢可以極速升LV。
但係由依家開始，跟本就係搵命搏，隨時隨地都會無命。
依家既我，大可以返上第二層到，利用魔狼黎升LV，絕對無必要跟住約翰。
即使係咁，我依然跟住佢，無點解。

「前面有座好斜既塔，第四層既入口就係果到，應該係。」





「唔？你做咩？唔洗擔心喎，第三層既BOSS咁難打都打得贏，之後都好輕鬆啦。」

點解你要落去地下城呢？你既目的究竟係咩？點解要搵命搏？

唔知佢。
我淨係跟住佢，行入座疑似比薩斜塔既物體到。

【看門人】 奈落蜈蚣-蒙古 LV78

HP:10546/10546
MP:18645/18645

力量:1216  敏捷:1543
防禦:1099  魔力:2016

成座塔，都係一隻巨型蜈蚣既巢穴。