我見到蜘蛛。
四圍好黑,但係我又好清楚咁見到隻黑色既蜘蛛係到。
黑色一舊野,四對腳。
我行埋去睇……

先發現係個人頭。
得一個披頭散髮既人頭,然後有八隻腳係條頸左右既位置。

呀。



「呀,佢醒啦佢醒啦。」
「魔物都會訓覺呀!」
「呀,好得意!」
「佢會唔會咬你架?」

係發夢?
我有少少睡眼惺忪。
見到一大班細路圍住我。
三男兩女……
兩個男仔係到玩我既既鐮刀,一個女仔係到玩我既腳,一個男仔係到摸我個頭。


仲有一個女仔係遠距離抱住條木柱望住我。

呢到係……村入面既一間大屋到?
係啦,發生緊咩事?
印象中,呢幾日約翰都係未醒,仲係三樓訓緊教。
我同三個徒弟就無王管,得閒出黎買下野,得閒又抹下屋。
好HEA咁過日子。

我間中會去狩獵魔物,但係始終都無辦法同佢地相處。
陪大徒弟卡珊德拉出黎購物已經係我極限。


徒弟都無限制我做咩,比我自出自入,都已經好好啦。
反而,同村民更好相處。
尤其係班細路,佢地會搵我一齊玩。

雖然我講唔到野,不過咁樣既生活其實都幾好。

今日我出左黎打下魔物,打完就去條村到HEA下。
之後就撞到班細路,同班細路玩完之後好累就訓著左。

我伸下懶腰,班細路就即刻散開哂。
有個男仔用石頭掟我。
好痛呀喂。

和平既日子真係好。
通常我咁樣諗既時候,一定有唔好既事發生。


不過呢條村有結界保護,魔物又入唔到黎。
魔界軍隊又唔打到黎呢到咁遠,山賊更加無可能襲擊呢條大賢者別墅下面既村落啦。
其實都係好安全。

爆炸聲。
咦?
咦咦咦?
廚房爆炸?定係電腦大爆炸?

班細路嚇親,好驚咁望住我。
定D黎,無事既。

之後,有個男人入左黎間屋到。

「你地留係到唔好出去!唔好出去!」男人大叫。



發生咩事?
我出去睇下先。

「你都唔好去……佢地目標係你!」男人捉住我講。

目標係我?
係咩人?係教皇?

又爆炸聲。

「地下室,你地幾個快D入地下室。」男人推左我地入間房既地下室入面。
關左門。
唔知出面發生咩事。



「奇米拉蟲係邊?」突然間,聽到有另一個男人把聲。
「無,我唔知。」村民講。
「你唔知?唔知?唔知?比多次機會你?」
「唔知……嗚哇……」

發生左咩事?

「爸爸!」岩先果個細路女,怕醜妹突然間大叫。

「咩人?係邊到?出黎?地、下、室?」

怕醜妹衝左出去。
等等先呀!
喂!白痴呀你!



另外果幾個細路完全唔敢出聲。
不過已經太遲了。
果個男人已經發現左地下室既存在。

我示意果幾個細路唔好再出聲。
然後行埋出去。
費事佢殺埋果個女仔。

【魔力暴走】黑暗精靈-浮士德 法師 LV88

HP:4248/4248
MP:13052/13132

力量:254  敏捷:546
防禦:546  魔力:1388

[【魔力暴走】:授予使用魔法對自己造成類積超過10000點傷害之人。使用魔法時,消耗減少33%,冷卻時間減少40%,魔力上升10%。]

黑色既男人。

「奇米拉蟲?奇米拉蟲?唔係,係蜘蛛。」佢望住我講。

想點?
呢個男人好強。
絕對唔係我可以輕易戰勝既對手。

【力量的象徵】奇美拉蟲 LV40

HP:6635/6635
MP:6629/6629

力量:679  敏捷:701
防禦:628  魔力:672

[【力量的象徵】:授予一擊造成超過1000點傷害之人。自身力量上升8%。]

浮士德跪係地上面,大叫。

「蜘蛛大人,蜘蛛大神,蜘蛛大人係到呀!」

然後,一大班黑衣人走左入黎。

「係蜘蛛大人,無名既魔物!係蜘蛛大人轉生!我地既蜘蛛大人終於返黎啦!」
浮士德又企返起身,又問:

「大家,我地蜘蛛教既教義係咩?」

「蜘蛛大人好靚女!
蜘蛛大人係我新世界既神!
蜘蛛大人自有永有!
蜘蛛大人無處不在!
蜘蛛大人好銷魂!
女神大人好撚柒!
女神大人食撚屎!
蜘蛛大人終有一日會戰勝歸來!」
已有 0 人追稿