蜘蛛好強。
無辦法贏到佢?
係,真係無可能贏得到。
我同之間既差距實在係太大,就好似……算啦比喻黎都曬氣,總之係我唔會贏到既對手。

我見到浮士德,佢同怕醜妹係外面望住我單挑大蜘蛛。
食花生。
佢捉左怕醜妹,唔比個走。
浮士德無笑,亦都無喊,淨係冷靜望住我地,一句聲都唔出。





「係……神話級魔物?」
二師姐見到我地,加入左戰局。
大師姐,卡珊德拉都係到。
即使係咁,對上呢一隻大蜘蛛,依然係無任何既勝算。

完全唔係對手。
蜘蛛開始攻擊。
一瞬間,佢衝左埋黎。
好快!
好巨型既身型,不過動作好快!




然後,用腳踩我地。

「魔法迴避」
「魔法迴避」
大師姐二師姐同時開技能避開。
不過二師姐技能開得唔夠快,同我一齊比衝擊波震到。

好痛。
扣好多血。
我無時間去理自己扣左幾多血,呢個時候,蜘蛛又張開口咬落黎。





完全無反擊既機會。
我地單方面捱打。
可惡,真係唔係佢對手。

應該話,我地撐到咁耐,已經係奇蹟。

「可惡……」二師姐係地上面畫魔法陣。
蜘蛛又再衝過黎。
「次元障壁……你究竟想點啊?」大師姐幫二師姐擋左一擊。
[次元障壁:召喚障壁,任何事物皆無法通過]

「仲洗問既!梗係撤退啦!」
「但係……但係……」





蜘蛛又再衝過黎,打散我地陣形。

「傳送之門」二師姐既MP完全無哂,然後打開左一個空間之門。

「……」大師姐望住佢。
「走啦!」
「但係……快D快D跟上黎!」大師姐對我講。

無用啦。
蜘蛛阻開左我地。
我行唔到去佢地到。

「放棄佢啦!」二師姐推左大師姐入傳送門到,走左。
二師姐準備走既時候,背脊中左蜘蛛一腳,刺穿左。
蜘蛛將佢吊左上黎,然後……




食左佢。

死左?
死左。
係我面前食左。
撕開兩半,然後放左入口。
然後,大蜘蛛又望住我。

浮士德唔敢出聲,然後係到笑。

而我,郁唔到,比蜘蛛嚇到郁都郁唔到。
真係唔會打得贏。

「依家放棄既話,就GAMEOVER架啦。」
突然間出現左把細路女聲音。





「係咩人?」浮士德好驚訝。
「禁言,三十分鐘。」細路女講。

我望住突然出現既細路女,有少少O左嘴。

「救世主永遠係遲到的,SORRY。我係邊個?我咪係人見人愛,車見車撞,路過既一位……」

「魔王。」

【魔王】 精靈-天照 神官 LV99

HP:8432/8432
MP:13964/13964





力量:768  敏捷:975
防禦:753  魔力:1521

魔王。
天照。

「咁值得記念既第二百集,點可以唔出下場呀!」佢微微一笑,講一D意義不明既說話。