火龍。
故名思議就係火屬性既龍。
以雙腳站立,雙手孔武有力,背上仲有翅膀既巨型生物。
比起迦具土,呢一條火龍算係一條比較弱既龍。
即使係咁,佢STATUS都遠高於我。

呢D就係龍種既力量?
係龍種既實力?
之不過,我地實力上既差距,並唔係壓倒性。
我仲有勝算。





直接對決。

火龍無打算同我溝通,一開始就張開口。
「龍焰吐息」
勉強避開。

「死亡之鉗」
雙鉗飛左出去。
同時對火龍展開攻擊。




火龍身型雖然巨大,但係非常之敏捷。
兩翼一撥,就飛左上天花板。
佢無睇小我。
全力以赴咁同我戰鬥。

「烈焰吐息」
[烈焰吐息:噴火,對前方複數敵人造成大量火焰傷害,然後賦予燃燒(8秒)狀態]
比起頭先既火焰,呢一次既火焰威力稍弱,但係範圍更加大。
更難避開!
「外骨骼」




[外骨骼:5秒內,防禦上升70%]
只可以強化防禦既技能防守。
呢個時候,火龍由天花板跳落黎。
好快!
「飛龍利爪」

一擊將打到上天。
但係,火龍完全唔比我喘息既機會。
我係天上面,仲未跌返落黎,又開始食佢連擊。
「龍之爪」
「死亡之鉗」
雙鉗急速飛返返黎,鉗住佢雙翼。
力量比唔上佢,唔可以束縛到佢。
不過足以令佢失去平衡,由天空跌落地上面,即刻倒地。





當我落地既時候,火龍又重整好態勢。
張開口。
「龍焰吐息」
「究極光束」

兩招技能相撞。
[龍焰吐息:噴火,對前方單體敵人造成極大量火焰傷害,然後賦予燃燒(8秒)狀態]
[究極光束:以魔法攻擊,對直線敵人造成極大量光屬性傷害,然後自身陷入虛弱狀態(1分鐘)]
兩招可以話係同等級既技能。
不過STATUS上佢勁過我,我有少少比佢壓制落去。

兩股能量勉強抵消。
但係我因為技能既關係入左虛弱狀態。
[虛弱:全STATUS下降8%]
可惡。





火龍咆哮。
「灼熱地獄」
[灼熱地獄:使用魔法,於範圍內所有目標受到燃燒狀態,火屬性傷害於範圍內提高33%]

今次麻煩。
然後又開始儲氣。
「外骨骼」
「龍焰吐息」
擋住啊……啊!

重傷。
死唔去。
不過位於燃燒狀態。
係咁扣血。





呢個時候我就發覺,自己完全處於被打既狀態。
我從來無試過主動攻擊。

而火龍又開始攻擊。
今次係埋身戰。
龍焰吐息的確係一招好強既技能。
之不過MP消耗實在非常之高,並唔適合當普通既技能使用。
呢一招基本上係大技黎。
佢連放幾次我都捱到落黎,都算係咁。

埋身戰不外乎幾招,用爪或者尾巴攻擊。
我係到諗,或者火龍並唔係一種擅長近身戰既魔物。
雖則近身戰我都未必夠佢打。





我小心翼翼地避開佢既利爪。
必要時用雙鉗掩護自己。
然後,對準佢隻眼!
蠍子毒尾。
插中佢隻眼。
必殺技,我既大招。
由尾巴,零距離對住佢隻眼發射究極光束!