全力既一擊。
究極光束一下子就由火龍既眼睛貫穿上頭部。
火龍失去平衡,向後仆低。
重傷。
失去左邊視力。
猛毒。
呢一下,我即刻扭轉到劣勢。
仲係有勝算既。

火龍勉強企返起身。


「暗影長槍」
再黎一擊。
呢一招輸出雖然比唔上究極光束,但係勝在發動時間快,命中率高,傷害亦都唔差。
但係,火龍即刻用雙翼包住自己,保護自己。

火龍隻手掩蓋住左眼。
右眼睥實我。
佢唔敢再打埋身戰。

火龍瞬間拉開距離。


張開口。
呢個時候,我衝上去。

「烈焰吐息」
避開。
估唔到既係,火龍自己衝埋上黎。
一時之間我反應唔切。
[龍尾突擊:旋轉尾巴,向周圍敵人造成中型物理傷害,然後使其彈開]
我就好似個棒球一樣,比佢打左上天花板。



「龍焰吐息」
火龍又開口,巨大的火球襲來。
空中既我改變唔到姿勢。
正面硬食。

好痛。
殘血……

HP所淨不多。
火龍既MP都已經見底。
佢既MP唔足以比佢用多一次烈焰吐息或者係龍焰吐息。
佢大概淨係可以用龍爪、龍尾之類既近身技能。

要用猛毒,強化埋毒傷害黎削佢血。
之後就再用究極光束收個頭。


一於咁話!

CQC。
龍雖然速度快,但係埋到身就發覺佢四肢並無我咁靈活。
佢一隻爪打落黎,我就用一隻鉗黎擋架。
而另一隻鉗,就繼續去干擾佢。
我衝左上去。
去佢走邊。
緣住佢隻手,走上去佢膊頭上面。

「蠍子毒尾」
「龍焰吐息」

咩話?
佢用哂最後既MP,勉強整到招龍焰吐息出黎。


殘血狀態既我,只要一比佢打中就即刻GAME OVER。
而呢個距離,無可能避得開佢既攻擊。
姐係話……
會死!

烈焰係我耳邊飄過。
係我臉上面輕輕擦過。
打唔中。
佢左眼睇唔到野,瞄準失誤。
係我贏……

「究極光束」
最後既一擊。
再一次貫穿火龍既頭顱。



成功擊殺火龍。

呀,贏左。
好似無咩實感咁。
不過我真係贏左。

第一次……贏到咁強既魔物。
呢個就係我。

我都唔係咁差姐,就算係火龍呢樣強大既魔物,我都可以靠自己黎打贏。
就算係蜘蛛女王,面對火龍都唔會打得贏啦。
啊,贏到。

出乎意料地。
第五、六、七層係一樣既。


都係成班都係熔岩、山石、火焰。
定還是之前係有D咩野係到,只係依家變成左火海呢?

唔理啦。
於是,我就走左落去第八層到。

大空洞。
我出世既地方。

「 小女子久候多時了。」

女神。
天照。
已有 0 人追稿