自殺以後，進入了RPG的世界: α. 違和感

我同蝴蝶女王黎到一座舊樓到。
好殘舊，都應該有幾廿年既歷史。
蝴蝶咩都無講，就行左上去。
我只好跟隨其後。

舊樓無LIFT。
要行樓梯。
有種好陰暗既感覺。

究竟去緊邊？




我無開口問。
似乎呢到係座住宅？定還是係商業用既大廈？
呢點我就唔係幾清楚啦。
舊樓並唔係好大。
每一層就只有兩個單位。
每個單位幾百尺左右。
非常之細。

行到上去四樓既時候，蝴蝶係其中一個單位面前停低左。





「你憑咩覺得我一定係好人？」
蝴蝶背對住我。

咩意思？
佢究竟想點？

「你啊，會唔會太過信任我呢？如果呢個時候，我同你講我想殺你，你會點？」

笑唔出。
佢係講緊笑？




的而且確，我跟住佢呢個行動實在好魯莽。
姐係話，依家我要同佢打？

「雖然話我係蜘蛛大人派黎幫你架姐，但係你又點知道我一定真心想幫你？其實啊，我想剷除你好耐。」

蝴蝶轉身望住我。
好邪惡既笑容。
佢行埋黎，伸出手摸我塊面。
係我耳邊輕輕咁講：

「講笑咋。」

然後又係到笑。

真係笑唔出。




佢究竟係認真既？
抑或真係只係講下笑？
我睇唔透。
不過，或者我唔應該對佢放低戒心。
呢個女人絕對唔可以睇小佢。

「你又有無發現……點講好呢，你感唔感覺到一種違和感？」蝴蝶問。
「咩意思？」
「你記唔記得你點樣黎呢到？」
「咪蜘蛛用空間魔法傳送我地黎。
「無錯。」
「有咩問題？」
「佢淨係用左空間魔法就傳送左我地黎呢一到。」
「咩意思？」
「唔知呢。」





蝴蝶笑一笑，然後慢慢推開鐵匣。
入面好細。
似乎係個住宅？
一房一廳一廁所，連廚房都無。
梳化。電視。木檯。
三樣野已經霸佔哂Ｄ空間。
木檯之上仲有部電腦，仲用舊幾廿年前Ｄ舊時代MOON。

一個人都無。
蝴蝶直接跳落梳化到坐。
呢到係佢屋企？
定還是係點？

蝴蝶伸手指一指梳化隔離既房門到。




房門鎖左。
佢既意思係叫我開門？

門後面究竟有乜野係到？
我有種唔係幾舒服既感覺。
直覺話比我知門後面一定唔簡單。

正當我隻手放係門柄，準備推開既時候。
我身後既鐵匣又比人推開左。

「你地係咩人？」

我本能地回頭一望。

一個女人。




拎住手槍指住我。
而呢一個女人。
我曾經見過。

約翰‧提托。
大賢者。
聯盟既大賢者。

只不過佢身穿現代香港既服飾。
究竟係人有相似，定真係同一個人？
我好驚訝咁望住佢。
「蠍子女王？仲有……王？」佢好驚訝咁講。