自殺以後，進入了RPG的世界: 蛇蠍心腸

四處都係鮮血。
無STATUS之下既戰鬥。
究竟係好事，抑或係壞事？
有無贏既可能性？

左手幾乎廢左。
頭上面都唔知出現左幾多個傷口。
如果我仲係一個人類，咁重既傷勢底下，應該一早就已經死左。
我咳左口血出黎，勉強咁企返起身。





大蛇既傷勢比我更為嚴重。
左眼變成肉醬。
蜘蛛腳無左三條。
頭上幾塊鱗片裂開。

完全係撕殺。
RPG世界入面都未試過有咁樣既戰鬥。

大蛇狂叫。
然後即刻噴火。





我一下子拉近距離，利用毒尾攻擊。
麻痺毒針！
雖然左眼睇唔到，但佢依然避開到我既攻擊。
然後，一口咬落黎我到。
我即刻拉返兩鉗過黎。
佢大力一咬，將我左鉗咬裂，但係牙齒亦因而咬崩。
滿口鮮血灑落黎我塊臉上。
我再以毒尾攻擊。
但係佢即刻跳後幾步，拉返開距離。





好快。
佢速度比想像中快好多。
拉開距離，對佢有利少少。
用魔法對轟，大概只係五五波。
不過佢隨時可以火車咁樣，衝埋黎咬我。
而且烈焰吐息唔需要儲氣，同我既究極光束唔同。
究極光束雖然威力無比，但係攻擊前一定要儲氣。
再加上，佢仲有一招——

「蜘蛛結界」
犯規一樣既BUG既技能。
無條件束縛住附近既所有人。
地上面既蜘蛛絲綁住左我隻腳。





「烈焰吐息」
大蛇開口攻擊。

郁唔到？
「蠍子之火」
我全身自燃，燃毀地上面既蜘蛛絲。
好險，勉強避開大蛇既火焰，但係我亦因為自己既技能全身著火。

大蛇直接衝埋黎！
張開口，撲埋黎我果到。

就係呢一招之內，決勝負！
必殺技！
蠍子毒尾。





我既尾巴猶如打樁機一樣刺左出去。

短短一秒之內，勝負已分。

大蛇咬住我條尾。
我條尾巴，就咁入左大蛇既腹中。
好痛。
之不過。

究極光束。
用盡所有力氣，展開攻擊。
直接係佢腹中，發射究極光束。
無法迴避既一擊！

大蛇痛苦咁哀嚎。




跌左係地上面，無再郁動。
而我條尾巴，亦因此而斷落。

斷左條尾，但係贏左……
我坐左係上面。
痛到郁唔到。

阿斯塔錄望住我。
我亦都望住佢。
彼此都無講野。

羽毛係空中慢慢飄落。
風龍王比人打到訓左係我隔離。
巨大既身軀打通左上下兩層。
約翰返返黎，想扶起風龍王但係扶唔郁。




而海龍王依然高掛係天空之上。