自殺以後，進入了RPG的世界: 虛構與真實

阿斯塔錄既臉孔如舊。
一如既往都係Alice既模樣。
佢的而且確係Alice。
係我所認識既Alice。
只不過我唔係佢既爸爸。
我就不過係個NPC。
係個虛構既NPC。
我既記憶，我既一切都只係蜘蛛所虛構出黎。

我只係個NPC，僅此如此。





子彈蟻壓住我，我郁唔到。
只可以張開雙眼，望實Alice。

Alice欲言又此。
我同佢，實際上只係互不相干既兩人。
一個係真實存在既人物，經歷過轉生，最後成為魔神既主角。
另一個係虛構既人物，一切經歷都係假貨，就不過係個路人。

我無力掙扎。




亦都諗唔到有咩可以講。
我想放棄。
反正我就不過係個NPC。
就算呢一個我完成唔到任務，蜘蛛都可以制造無限個我出黎。
我既存在根本就係無意思。

而且約翰已經死左。
無返返黎已經係最好既證據。
擁有空間魔法既佢，可以無視一切既距離。
只要佢想去邊，就可以去邊。




但係佢返唔到黎。
好可能已經死左。
唔係，係一定已經死左。

我想喊。
但係我不過係個NPC。
喊都係無意義。
我只須跟隨本能(設定)而活。
其他既感情都係假既。

我終於明白，點解咁大件事依然無蜘蛛既支援。
咁係因為我只係棄子。
多我一個唔多，少我一個唔少。
無救援既必要。
死，不過係死左個NPC。




唔值得可憐。

阿斯塔錄沉默左一陣，卒之開口。
「殺左佢。」
三粒字。
否定左我既人生。

其中一個子彈蟻上子彈。
槍口對準我既頭髗。
只要撳個制，我個頭即刻會爆開。
理所當然地，子彈蟻扣下板機。

眼前一黑。
張開雙眼。
依然係眼前一黑。





呢到係死後既世界？
我好似經歷過第二次既死亡。
係呀，我已經死左。
不過今次既死，同上一次唔同。
可能係因為上一次有BACK UP，所以我去左個白色既房間。
而今次，我只係入左個黑色既空間。
無上下左右之分。
好似宇宙一樣，我漂浮係空中。

呢種感覺！！！
好奇怪。
嗚。
想嘔既感覺。
呢個感覺叫咩……我唔識形容。




無錯，係種異樣感。

【萬物歸一者】 猶格‧索托斯

HP:
MP:

力量:  敏捷:
防禦:  魔力:

STATUS？
我見到……怪物。
上億既蟲卵，有大有細，有D大到成舊殞石咁，有D仲細過粒米。
上億既蟲卵癡埋一齊，係到發光，猶如脈搏一樣變大變細。





有個女人，坐係係蟲卵怪物上面。
灰黑色既皮膚，極陰暗既黑暗精靈。
然後，佢出左句聲：

「食屎啦你。」